ايتا كەتەيىك, 2023 جىلدىڭ 28 ناۋرىزىنان باستاپ كاسىپورىن سۋ قىسىمىن رەتتەۋ شارالارىن ەنگىزۋگە جانە ونى بوساتۋ كەستەسىن بەلگىلەۋگە ءماجبۇر بولدى.
دەگەنمەن, جەكە سەكتورلاردا سۋارۋ ماۋسىمى باستالدى, تيىسىنشە بۇل اۋىزسۋدىڭ كوپتەپ پايدالانىلۋىنا الىپ كەلەدى. وسىعان بايلانىستى, تۇرعىنداردىڭ ءبىر بولىگى وتكەن دەمالىس كۇندەرى سۋمەن قامتاماسىز ەتۋدە بەلگىلى ءبىر دەڭگەيدە شەكتەۋلەردى سەزىندى.
وسىعان بايلانىستى مەكەمە جەكە سەكتوردىڭ بارلىق تۇرعىنىنان سۋدى تەك قاتاڭ بەلگىلەنگەن ۋاقىتتا, ياعني 23:00-دەن 06:00-گە دەيىن سۋارۋ ءۇشىن پايدالانۋدى سۇرايدى. ەگەر بۇل ىڭعايسىز بولسا, تەحنيكالىق سۋدى تومەندەگى مەكەنجايلاردان ساتىپ الۋعا بولادى:
1. كتس, قورعالجىن تاس جولى, 47;2. جانسۇگىروۆ, 7;3.ءال-فارابي, 18ك;
«سونىمەن قاتار, بەلگىلەنگەن كەستەگە قاراماستان, قالانىڭ كوپتەگەن ۇيلەرىندە سۋ قىسىمى قالىپتى جاعدايعا سايكەس كەلەدى جانە تەك كەيبىر تۇرعىن ءۇي كەشەندەرى عانا تومەن رەجيمدە ەكەنى بايقالدى. مۇنداي جاعدايدا ءبىز قىزمەت كورسەتەتىن كومپانياعا حابارلاسىپ, وڭتايلى قىسىمدى ورناتۋ ءۇشىن سورعىلاردى قايتا باپتاۋعا تىرىسۋلارىڭىزدى سۇرايمىز.
وسى جاعدايدى ەسكەرە وتىرىپ, اسىرەسە دەمالىس كۇندەرى سانتەحنيكالىق جۇيەگە جۇكتەمەنى ازايتۋ ءۇشىن جۇمىس كۇندەرى تۇرمىستىق جۇمىستاردى جوسپارلاۋدى ۇسىنامىز.
ماڭىزدىسى, بۇل ۋاقىتشا شارالار جاڭا سورعى-سۇزگى ستانتسياسى (سسس) ىسكە قوسىلعانعا دەيىن قولدانىلادى. اۋىز سۋ ستانتسياسىنىڭ قۇرىلىسى 2021 جىلدىڭ كۇزىندە باستالدى جانە ونىڭ قۋاتى تاۋلىگىنە 105 مىڭ تەكشە مەتر سۋدى قۇرايدى», دەلىنگەن حابارلامادا.
بۇل بۇكىل قالا ءۇشىن سۋمەن جابدىقتاۋدى ەداۋىر ارتتىرۋعا, سول ارقىلى قالانى سۋمەن جابدىقتاۋ ماسەلەسىن تولىعىمەن شەشۋگە مۇمكىندىك بەرەدى. وسى جىلدىڭ جازىندا جاڭا سسس قۇرىلىسىن اياقتاۋ جوسپارلانىپ وتىر.