بيىل ۇبت تاپسىراتىن مەكتەپ تۇلەكتەرىنىڭ 75 پايىزى سىناقتان قازاق تىلىندە وتۋگە ءوتىنىش بىلدىرگەن. بۇل تۋرالى قر عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ ءمالىم ەتتى, دەپ حابارلايدى Egemen.kz.
«تەست تاپسىرۋ تىلىنە توقتالساق, تۇلەكتەردىڭ 75 پايىزى سىناقتى قازاق تىلىندە, 25 پايىزى ورىس تىلىندە تاپسىرادى. تاعى 243 ادام (0,14%) اعىلشىن ءتىلىن تاڭدادى. بيىل تەست فورماتىندا وزگەرىس جوق. ءپان سانى وزگەرىسسىز قالادى, ياعني ءۇش مىندەتتى جانە ەكى بەيىندىك ءپان قامتىلعان. بارلىعى 120 تەست سۇراعى بولادى. ەڭ جوعارى ۇپاي – 140. تەستىلەۋدىڭ جالپى ۋاقىتى - 4 ساعات», دەدى قۋانىش ەرعاليەۆ وكق الاڭىندا وتكەن ءباسپاسوز كونفەرەنتسياسى بارىسىندا.
ايتا كەتسەك, ەرەكشە ءبىلىم بەرۋ قاجەتتىلىكتەرى بار تالاپكەرلەردىڭ تەست تاپسىرۋىنا قولايلى جاعداي قاراستىرىلعان. ماسەلەن, ولارعا قوسىمشا 40 مينۋت ۋاقىت بەرىلەدى. اتالعان ساناتتاعى تۇلەكتەر ءۇشىن سىزبا مەن دياگراممالارسىز سۇراقتار ازىرلەنەدى.
بيىلعى نەگىزگى ۇبت 5 شىلدەگە دەيىن جالعاسادى.