قارجىلىق مونيتورينگ اگەنتتىگى قارجى پيراميداسى رەتىندە ارەكەت ەتەدى دەگەن كۇدىككە ىلىنگەن, سونداي-اق سوت ۇكىمى شىققان ۇيىمداردىڭ كەڭەيتىلگەن ءتىزىمىن جاريالادى, دەپ حابارلايدى Egemen.kz.
ەندى ءوز قاراجاتىن ينۆەستيتسيالاۋعا بەل بۋعان ءاربىر ازامات كومپانيانىڭ سەنىمدىلىگىن قنردا رەەسترىنەن عانا ەمەس, سونىمەن قاتار وسى تىزىمنەن تەكسەرە الادى.
ايتا كەتەيىك, اگەنتتىك بيىلعى جىلدىڭ باسىنان بەرى 22 قارجى پيراميداسىن انىقتاعان. كيبەرباقىلاۋ جۇيەسىندە 4000-عا جۋىق سايتتار مەن اككاۋنتار بۇعاتتالدى.
الدىن الۋ جۇمىستارى اياسىندا الەۋمەتتىك جەلى قولدانۋشىلارىنا ەسكەرتۋلەر جىبەرۋ ناتيجەسىندە بۇگىندە 52 مىڭ جەلى پايدالانۋشىسى قارجىلىق پيراميدا بەلگىلەرى بار كونتەنتكە جازىلۋدان باس تارتتى.
ەسكە سالايىق, قاراجاتتى ينۆەستيتسيالاۋ كەزىندە ازاماتتار بەلگىلى ءبىر كومپانيادا قارجىلىق پيراميدا بەلگىلەرىنىڭ بار-جوعىن تەكسەرۋ ءۇشىن قما تەلەگرام بوتىن پايدالانا الادى. جىل باسىنان بەرى قىزمەتكە 3511 ءوتىنىش تۇسكەن.
«ازاماتتاردى قىراعى بولۋعا جانە جيناقتارىن كۇماندى قارجى ينستيتۋتتارىنا سالماۋعا شاقىرامىز. ەگەر ءسىز جانە ءسىزدىڭ جاقىندارىڭىز قارجى پيراميداسىنىڭ ارەكەتىنەن زارداپ شەكسە, قما ساll-ورتالىعىنا حابارلاسىڭىز», دەلىنگەن قما حابارلاماسىندا.