وسكەمەندە كولىك تۇرعىن ۇيگە سوقتىعىسىپ, كىرەبەرىس شاتىردى بۇزىپ كەتتى, دەپ حابارلايدى Egemen.kz.
شىعىس قازاقستان وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاۋىنشا, بۇل جول اپاتى 2023 جىلعى 20 مامىردا ساعات 03:10 شاماسىندا گاگارين بۋلۆارىندا 32-ءۇيدىڭ جانىندا بولعان.
Subaru Forester كولىگىن ايداپ كەلە جاتقان 35 جاستاعى جۇرگىزۋشى كولىكتىڭ رولىندە ۇيىقتاپ قالىپ, جولدان شىعىپ كەتكەن, سودان كەيىن ءۇيدىڭ كىرەبەرىسىنە بارىپ سوعىلعان.
زارداپ شەككەندەر جوق.
Subaru Forester ماركالى كولىكتىڭ جۇرگىزۋشىسىنە قاتىستى قر اكىمشىلىك قۇقىق بۇزۋشىلىق تۋرالى كودەكستىڭ 610-بابىنىڭ 1-بولىگى بويىنشا اكىمشىلىك حاتتاما تولتىرىلعان.
«كولىك قۇرالدارىنىڭ, جۇكتەردىڭ, جولداردىڭ, جول جانە وزگە دە قۇرىلىستاردىڭ نەمەسە وزگە دە م ۇلىكتىڭ زاقىمدانۋىنا, ماتەريالدىق زالال كەلتىرۋىنە اكەپ سوعاتىن جول ءجۇرۋ ەرەجەسىن بۇزعان جاعدايدا 20 ايلىق ەسەپتىك كورسەتكىش مولشەرىندە ايىپپۇل سالىنادى نەمەسە كولىك قۇرالىن باسقارۋ قۇقىعىنان 6 ايعا دەيىن ايىرىلادى», دەلىنگەن شقو پوليتسيا دەپارتامەنتىنىڭ ءباسپاسوز قىزمەتىنىڭ جازباسىندا.