ەلوردادا 21 مامىر كۇنى Astana half 2023 جارتىلاي مارافونى وتەدى. جەلاياقتار 21,1 كم جانە 5 كم قاشىقتىقتى ەڭسەرۋى كەرەك, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
جارتىلاي مارافوندى استانا اكىمدىگىنىڭ قولداۋىمەن حالىقارالىق Astana Marathon نەگىزىن قالاۋشىلار ۇيىمداستىرادى.
Astana half 2023 جارتىلاي مارافونى – قىس مەزگىلىنەن كەيىن جاپپاي جۇگىرۋدە ءوزىڭىزدى سىناۋدىڭ العاشقى مۇمكىندىكتەرىنىڭ ءبىرى. جەلاياقتارعا 21,1 كم جانە 5 كم قاشىقتىقت ۇسىنىلادى. بۇل جاڭادان باستاۋشىلار ءۇشىن تاماشا باستاما, ال تاجىريبەلى سپورتشىلار ءۇشىن – بيىل 3 قىركۇيەكتە وتەتىن Astana Marathon 2023-تە 42,2 كم مارافوندىق جارىسقا دايىندىق.
بۇگىنگى تاڭدا جارتىلاي مارافونعا ۇلىبريتانيا, اقش, پولشا, رەسەي, ۋكراينا جانە قازاقستان ەلدەرىنىڭ 30-دان استام قالاسىنان 16 جاستان 75 جاسقا دەيىنگى ەكى مىڭعا جۋىق قاتىسۋشى تىركەلگەن.