ايەلدەر تەننيسىندە جانجال تۋىنداي جازدايدى. ەلەنا رىباكينانىڭ تالىمگەرى ستەفان ۆۋكوۆتىڭ ايتۋىنشا, ەلەنا وستاپەنكو ريمدەگى (يتاليا) WTA 1000 جارتىلاي فينالىندا جانە ودان كەيىن دە ءبىزدىڭ جەرلەسىمىزگە ءتىل تيگىزگەن, دەپ حابارلايدى Egemen.kz.
ستەفان ۆۋكوۆتىڭ ايتۋىنشا, لاتۆيا تەننيسشىسى ريم كورتتارىنداعى «ماستەرس» ءتۋرنيرىنىڭ جارتىلاي فينالىنداعى ماتچ بارىسىندا قارسىلاسىنا بەي ادەپ سوزدەر ايتقان.
تابيعاتىنان سابىرلى ەلەنا رىباكينا بۇل جاعدايعا نازار اۋدارماي, ءوز ويىنىنا بارىنشا دەن قويدى. ىڭعايسىز وقيعا الدىمەن ەكىنشى سەتتە, سودان كەيىن ويىنشىلاردىڭ قول الىسۋى كەزىندە ورىن العان. ماتچ ءبىزدىڭ تەننيسشىنىڭ پايداسىنا 6:2, 6:4 ەسەبىمەن اياقتالدى. ەكىنشى سەتتە ويىن جاڭبىرعا بايلانىستى ءۇزىلدى.
وسى جەكپە-جەك اياقتالعاننان كەيىن رىباكينا جوعارىداعى سۋديامەن قول الىسىپ, ودان وستاپەنكونىڭ ورىنسىز مىنەز-قۇلقىنا نازار اۋدارۋدى سۇرادى.
ەندى ەلەنا رىباكينا فينالدا انگەلينا كالينينامەن (ۋكراينا) كەزدەسەدى. تيتۋل ءۇشىن تالاستى ماتچ 20 مامىردا, استانا ۋاقىتى بويىنشا ساعات 23:00-دە باستالادى. تەننيسشىلەر بۇعان دەيىن 2022 جىلى چارلستونداعى (اقش) تۋرنيردە كەزدەسىپ, ول كەزدە انگەلينا باسىمدىق تانىتقان – 4:6, 6:2, 6:4.