بۇل تۋرالى مەملەكەت باسشىسى قاسىم-جومارت توقاەۆ «ورتالىق ازيا – قىتاي» سامميتىندە ايتتى, دەپ حابارلايدى Egemen.kz.
«بۇل سالا ورتالىق ازيانىڭ ەكونوميكالىق دامۋىنا بەرىك تۇعىر بولا الادى. ايماقتاعى ەلدەر بىرلەسىپ, سوڭعى جىلدارى بىرقاتار ءىرى جوبانى جۇزەگە اسىرىپ جاتىر. بۇل – قۋانىشتى جاعداي. وعان قىتايدىڭ اتسالىسۋى جوبالاردىڭ تابىستى بولۋىنا سەپتىگىن تيگىزەرى انىق. مەن ورتالىق ازيا مەن قىتايدىڭ ونەركاسىپ سالاسىنداعى ىنتىماقتاستىعىن دامىتۋ جوسپارىن ازىرلەۋدى ۇسىنامىن. بۇل جوسپاردى ايماقتاعى بارلىق ەلدىڭ ەرەكشەلىگى مەن سۇرانىسىن ەسكەرە وتىرىپ جاساعان ءجون», دەدى پرەزيدەنت.