پرەزيدەنت قاسىم-جومارت توقاەۆ قىتايدىڭ سيان قالاسىندا ءوتىپ جاتقان «ورتالىق ازيا – قىتاي» سامميتىنە قاتىسىپ جاتىر, دەپ حابارلايدى Egemen.kz.
«بۇگىنگى سامميت كونە سيان قالاسىندا وتۋدە. مۇنىڭ زور سيمۆولدىق ءمانى بار. ويتكەنى, ۇلى جىبەك جولى وسى جەردەن باستاۋ العان. ءبىزدىڭ ەلدەرىمىزدىڭ وتكەن تاريحى, بۇگىنى جانە بولاشاعى وسى جول ارقىلى تىعىز بايلانىسىپ جاتىر.
سيان – قىتايدىڭ باي تاريحي-مادەني مۇراسىن, سونىمەن قاتار, كەمەلدەنگەن كۇش-قۋاتىن ايگىلەپ تۇرعان قالا. قىتاي – الەمدەگى اسا ءىرى ينۆەستور جانە جاھاندىق ەكونوميكانىڭ كوشىن باستاپ تۇرعان مەملەكەتتەردىڭ ءبىرى. سوندىقتان, قىتايمەن جان-جاقتى ىنتىماقتاستىقتى نىعايتۋ قازاقستاننىڭ ورنىقتى دامۋىنا مۇمكىندىك بەرەدى», دەدى پرەزيدەنت.
ونىڭ ايتۋىنشا, ورتالىق ازيا ەلدەرىنىڭ الەۋەتىن قىتايدىڭ وراسان زور ەكونوميكالىق قۋاتىمەن ۇشتاستىرۋ اسا ماڭىزدى.
«بۇل قادام كوپ قىرلى سەرىكتeستىگىمىزگە تىڭ سەرپىن بەرەرى ءسوزسىز. ءبىزدىڭ ەلىمىز وسى ماقساتقا جەتۋ ءۇشىن بار كۇش-جىگەرىن جۇمساۋعا دايىن», دەدى ول.