پرەمەر-مينيستر ءاليحان سمايىلوۆ ورتالىق مەملەكەتتىك ورگاندار, سالالىق ۇيىمدار, جوعارى وقۋ ورىندارى باسشىلارىنىڭ جانە پارلامەنت دەپۋتاتتارىنىڭ قاتىسۋىمەن ۇكىمەت جانىنداعى جوعارى عىلىمي-تەحنيكالىق كوميسسيانىڭ وتىرىسىن وتكىزدى, دەپ حابارلايدى Egemen.kz.
قاتىسۋشىلار عىلىمدى دامىتۋدىڭ 2024-2026 جىلدارعا ارنالعان باسىم باعىتتارىن ايقىنداۋ, باعدارلامالىق-نىسانالى قارجىلاندىرۋ بويىنشا 2023-2025 جانە 2024-2026 جىلدارعا ارنالعان عىلىمي-تەحنيكالىق تاپسىرمالاردى, سونداي-اق 2023-2025 جىلدارعا ارنالعان ىرگەلى عىلىمي زەرتتەۋلەر جۇرگىزۋ ماسەلەلەرىن تالقىلادى.
سونداي-اق ورتالىق مەملەكەتتىك جانە جەرگىلىكتى اتقارۋشى ورگانداردىڭ عىلىمي-تەحنيكالىق باعدارلامالاردى ىسكە اسىرۋ جوسپارلارى قارالدى.