• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
سپورت 18 مامىر, 2023

جارتىلاي فينالدى اسىعا كۇتەمىن - ەلەنا رىباكينا

245 رەت
كورسەتىلدى

قازاقستاننىڭ ءبىرىنشى راكەتكاسى ەلەنا رىباكينا ريمدە ءوتىپ جاتقان ءىرى ءتۋرنيردىڭ شيرەك فينالدىق كەزدەسۋىندە الەمنىڭ ەڭ ۇزدىك تەننيسشىسى يگا شۆەنتەكتى جەڭىپ كەتتى. ماتچتان كەيىن جەڭىمپاز وسى ويىن جونىندە پىكىرىن ءبىلدىردى, دەپ حابارلايدى Egemen.kz.

تەننيسشىمىز الەمنىڭ ءبىرىنشى راكەتكاسىن ءۇشىنشى رەتتە دە ۇتتى.   رىباكينا ءبىرىنشى ويىندا 2:6 ەسەبىمەن جەڭىلدى, ودان كەيىن تاي-برەيكتە ەكىنشى سەتتە 7:6 ەسەبىمەن باسىم ءتۇستى, ال ويىننىڭ فينالدىق بولىگىندە 2:2 ەسەبىمەن شۆەنتەك جاراقاتىنا بايلانىستى جەكپە-جەكتى جالعاستىرۋدان باس تارتتى.   ەلەنا رىباكينا مانسابىندا العاش رەت ريمدە «ماستەرستىڭ» جارتىلاي فينالىنا شىقتى.   «مەن بۇل ماتچتان ەشتەڭە كۇتكەن جوقپىن جانە ەكىنشى سەتتە وڭ جاقتان سوققىنى جاقسى سەزىپ, جاقسىراق قيمىلداي باستاعانىما قۋانىشتىمىن. سوندىقتان جالپى ناتيجەگە قاراماستان, جاقسى وينادىم دەپ ويلايمىن. تاعى ءبىر ماتچ وتكىزەتىنىمە قۋانىشتىمىن, جارتىلاي فينالدى اسىعا كۇتەمىن», دەدى ە.رىباكينا.   ريمدەگى ءتۋرنيردىڭ جارتىلاي فينالدىق كەزەڭىندە ەلەنا رىباكينا الەمنىڭ 20-راكەتكاسى ەلەنا وستاپەنكومەن (لاتۆيا) كەزدەسەدى. بۇل ماتچ 19 مامىردا وتەدى.  
سوڭعى جاڭالىقتار