امەريكالىق بيوتەحنولوگتار كەتگۋتتان جاسالعان كلاسسيكالىق حيرۋرگيالىق جىپتەرگە اقىل قوستى. عالىمداردىڭ ايتۋىنشا, اقىلدى ءجىپ تىگىس اينالاسىنداعى قابىنۋدى ەرتە انىقتاۋعا كومەكتەسەدى, دەپ حابارلايدى Egemen.kz تاسس اگەنتتىگىنە سىلتەمە جاساپ.
ء«بىز تىگىس ايماعىندا قابىنۋ پروتسەسىن انىقتايتىن ارنايى گيدروگەلمەن قاپتالعان اقىلدى ءجىپ جاساپ شىعاردىق. ونىڭ قۇرامىندا قابىنۋدى انىقتايتىن مولەكۋلا مەن ەمدەۋگە سەرپىن بەرەتىن دارىلىك زاتتار بار», دەدى ماسساچۋسەتس تەحنولوگيالىق ينستيتۋتىنىڭ دوتسەنتى دجوۆانني تراۆەرسو.
تراۆەرسو جانە ونىڭ ارىپتەستەرى بۇل جىپتەردى ىشەكتەرى زاقىمدالعان شوشقالارعا سىناپ كوردى. تاجىريبە ءساتتى اياقتالدى. عالىمدار بۇل ماتەريالدى جاقىن ارادا ەرىكتىلەرگە قولدانىپ كورۋگە نيەتتى.
بيولوگيالىق ىدىرايتىن كەتگۋتتان جاسالعان حيرۋرگيالىق جىپتەردى العاش رەت ەجەلگى ريم دارىگەرلەرى قولدانا باستادى. كەيىنىرەك ولار باعاسى ارزانىراق تۇراتىن ءارتۇرلى سينتەتيكالىق ماتەريالداردان جاسالعان تىگىس ماتەريالدارىمەن الماستىرىلدى.