تاشكەنتتە بوكستان ءوتىپ جاتقان الەم چەمپيوناتىندا قازاقستاندىق سپورتشى دۋلات بەكباۋوۆ پەن گرۋزيا وكىلى لاشا گۋرۋلي اراسىندا جارتىلاي فينالدىق جەكپە-جەك ءوتتى, دەپ حابارلايدى Egemen.kz.
تورەشىلەردىڭ شەشىمىمەن جەكپە-جەك دۋلات بەكباۋوۆتىڭ جەڭىسىمەن اياقتالدى. ەندى ول فينالدا التىن جۇلدە ءۇشىن كۇرەستى جالعاستىرادى, ال گرۋزيندىك گۋرۋلي 2023 جىلعى الەم چەمپيوناتىنداعى ونەرىن قولامەن اياقتايدى.
دۋلات بەكباۋوۆ 2022 جىلعى ازيا چەمپيوناتىنىڭ كۇمىس جۇلدەگەرى. سونداي-اق وتكەن جىلى بولگاريادا وتكەن «كىشى الەم چەمپيوناتىندا» (ستراندجا كۋبوگى) كۇمىس جۇلدەگەر اتانعان ەدى.
ايتا كەتەيىك, بۇعان دەيىن سانجار تاشكەنباي مەن ماحمۇد سابىرحان فينالعا جولداما العانىن حابارلاعان ەدىك.
ەندى كەشكى ساعات 19:00-دە تاعى ەكى قازاقستاندىق اسلانبەك شىمبەرگەنوۆ (71 كەلى) پەن نۇربەك ورالباي (80 كەلى) فينالعا ءوتۋ ءۇشىن باق سىنايدى.