قازاقستان بوكسشىسى اسلانبەك شىمبەرگەنوۆ (71 كەلىگە دەيىن) تاشكەنتتە (وزبەكستان) ءوتىپ جاتقان الەم چەمپيوناتىنىڭ جارتىلاي فينالىنا شىقتى, دەپ حابارلايدى Egemen.kz.
اسلانبەك شىمبەرگەنوۆ 1/4 فينالدا فرانتسۋز ماكان تراورەمەن جۇدىرىقتاسقان. شىمبەرگەنوۆ ءبىرىنشى جانە ەكىنشى راۋندتاردا قارسىلاسىن نوكداۋنعا ءتۇسىردى. سوڭىندا ول سەنىمدى جەڭىسكە جەتتى.
جارتىلاي فينالعا شىعۋ اسلانبەككە كەم دەگەندە قولا جۇلدەگە كەپىلدىك بەردى.
ال سەرىك تەمىرجانوۆ كۋبالىق قارسىلاسى سايدەل ورتادان جەڭىلىپ قالدى.
بۇعان دەيىن ساكەن بيبوسىنوۆ (51 كەلىگە دەيىن), تالعات سىرىمبەتوۆ (60 كەلىگە دەيىن), ءساناتالى تولتاەۆ (63,5 كەلىگە دەيىن), نۇرقانات رايىس (75 كەلىگە دەيىن), ساعىندىق توعامباي (86 كەلىگە دەيىن) جانە ايبەك ورالباي ( 92 كگ دەيىن) سايىس جولاعىنان شىعىپ قالعان ەدى.