بەلارۋس رەسپۋبليكاسىنىڭ باس پروكۋراتۋراسى بەلارۋس سوتى باس بوستاندىعىنان ايىرعان قازاقستان رەسپۋبليكاسىنىڭ ەكى ازاماتىن بەرۋ تۋرالى سۇرانىسىن قاناعاتتاندىردى, دەپ حابارلايدى Egemen.kz باس پروكۋراتۋرانىڭ ءباسپاسوز قىزمەتىنە سىلتەمە جاساپ.
ازامات «ك» بەلارۋسيادا اسا ءىرى مولشەردە پارا بەرگەنى ءۇشىن, ازامات «م» جەكە قۇجاتتاردى ۇرلاعانى, توناعانى جانە ۇرلىق جاساعانى ءۇشىن تيىسىنشە 5 جىل جانە 7 جىل 6 ايعا سوتتالعان.
باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قازاقستان رەسپۋبليكاسى سىرتقى ىستەر مينيسترلىگىنىڭ كومەگىمەن اتالعان ازاماتتاردى جازاسىن ودان ءارى قاراي وتەۋ ءۇشىن قازاقستانعا جەتكىزدى.
قازىرگى ۋاقىتتا ولار استانا قالاسىنىڭ تەرگەۋ يزولياتورىنا قامالدى.