بۇگىن كوكسۋ اۋدانى جارلىوزەك اۋىلىندا گاز تاسيتىن ماشينا اۋدارىلدى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
وقيعا ورنىنا جەدەل تۇردە تجم جەتىسۋ وبلىسىنداعى بولىمشەلەرى مەن مۇددەلى ۇيىمدار جىبەرىلگەن.
- اۆتوموبيل اۆتوكراننىڭ كومەگىمەن تۇرعىزىلدى. بالپىق بي اۋىلى № 4 ءورت ءسوندىرۋ ءبولىمىنىڭ ءورت سوندىرۋشىلەرى پروپان گازىمەن تولتىرىلعان تسيستەرنانى كوتەرۋ بارىسىندا ۇشقىن پايدا بولماس ءۇشىن وعان كوبىك شاشىپ تۇردى. بۇل قاۋىپتى ۇشقىنداردىڭ پايدا بولۋىنا جانە تيىسىنشە اۆتوموبيل تسيستەرناسىنىڭ جارىلۋىنا جول بەرمەدى.
ۇيلەسىمدى شارالاردىڭ ارقاسىندا قازا بولعان جانە زارداپ شەككەن ادامدار جوق. ازاماتتارعا گازبەن جانە باسقا دا جارىلۋ-ءورت قاۋىپتى زاتتارمەن جۇمىس ىستەۋ كەزىندە اسا ساق بولۋعا كەڭەس بەرەمىز, - دەلىنگەن حابارلامادا.