اقمولا وبلىسىندا حابار-وشارسىز كەتكەن 31 جاستاعى ەر ادامنىڭ ءمايىتى تابىلدى. ءولىمنىڭ ءمان-جايى انىقتالعان جوق. بۇل تۋرالى LIDER.KZ ەرىكتىلەرى Instagram پاراقشاسىندا جازدى, دەپ حابارلايدى Egemen.kz.
1992 جىلى تۋعان حامزين جانات جەڭىس ۇلى ەسىل قالاسىندا تۇرعان. «قتج» ۇك» اق-دا ماشينيست بولىپ جۇمىس ىستەگەن. بيىلعى جىلدىڭ 29 ساۋىرىندە جەرگىلىكتى ۋاقىت بويىنشا ساعات 11:30-دا ۇيىنەن بەلگىسىز باعىتتا شىعىپ كەتكەن. 4 مامىردا ەر ادامنىڭ قايتىس بولعانى بەلگىلى بولدى.
2 مامىر كۇنى اقمولا وبلىسىندا تاعى ءبىر ەر ادامنىڭ دەنەسى تابىلدى. سلەپوكۋروۆ سەرگەي اناتولەۆيچ 1978 جىلى تۋعان, بۇلاندى اۋدانى, بوياركا اۋىلىندا تۇرعان. 2022 جىلدىڭ 30 قىركۇيەگىندە تاڭعى ساعات 04:00 شاماسىندا ۇيىنەن بەلگىسىز باعىتتا شىعىپ, قايتىپ ورالماعان.