كونگو دەموكراتيالىق رەسپۋبليكاسىنىڭ (كدر) شىعىسىنداعى وڭتۇستىك كيۆۋ پروۆينتسياسىندا بولعان سۋ تاسقىنىنان قازا تاپقاندار سانى 176-عا جەتتى. بۇل تۋرالى پروۆينتسيا گۋبەرناتورى تەو نگۆابيجە كاسي ايتتى, دەپ حابارلايدى Egemen.kz Anadolu اگەنتتىگىنە سىلتەمە جاساپ.
بۋشۋشۋ مەن نيامۋكۋبي اۋىلدارىندا ءتۇنى بويى تولاسسىز جاۋعان جاڭبىر چيبيرا وزەنىنىڭ ارناسىنان اسىپ كەتۋىنە سەبەپ بولدى. ءوڭىر تۇرعىندارىنىڭ ءبىرازى ءىز-ءتۇزسىز جوعالىپ كەتكەن. ىزدەستىرۋ-قۇتقارۋ جۇمىستارى جالعاسىپ جاتىر. بۇعان دەيىن تابيعي اپاتتان 72 ادام زارداپ شەككەنى حابارلانعان بولاتىن.
تروپيكالىق كليماتتىق بەلدەۋدە ورنالاسقان كونگو دەموكراتيالىق رەسپۋبليكاسى جاڭبىرلى ماۋسىمدا ءجيى تابيعي اپاتتارعا تاپ بولادى.