بۇگىن تاشكەنتتە قازاقستان رەسپۋبليكاسى مەن وزبەكستان رەسپۋبليكاسى اراسىنداعى ەكىجاقتى ىنتىماقتاستىق جونىندەگى ۇكىمەتارالىق كوميسسيانىڭ 20-وتىرىسى وتەدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
وندا مەملەكەتارالىق بايلانىستاردىڭ كەڭ اۋقىمدى ماسەلەلەرى, اتاپ ايتقاندا, ونەركاسىپ كووپەراتسياسىن تەرەڭدەتۋ; اۋىل شارۋاشىلىعى; ترانزيتتىك-كولىك سالاسى جانە باسقا دا باعىتتارداعى ءوزارا ءىس-قيمىل پەرسپەكتيۆالارى تالقىلانباق.
قازاقستان تاراپىنان پرەمەر-مينيستر ءاليحان سمايىلوۆ, وزبەكستان تاراپىنان ءور پرەمەر-ءمينيسترى ابدۋللا اريپوۆ تەڭ توراعالىق ەتەدى.
ءاليحان سمايىلوۆتىڭ وزبەكستان استاناسىنا جۇمىس ساپارى «يانگي ۋزبەكيستون» ساياباعىندا ورنالاسقان «تاۋەلسىزدىك» مونۋمەنتىنە گۇل شوقتارىن قويۋ راسىمىنەن باستالدى. وندا بەيبىتشىلىك پەن بوستاندىقتىڭ, ىزگىلىك پەن يگىلىكتىڭ بەلگىسى رەتىندە قاناتىن جايعان حۋمو قۇسى بەينەلەنگەن, ال مونۋمەنت تۇعىرىندا «ەل تاريحىندا وشپەس ءىز قالدىرعان اتا-بابالارىمىزعا ماڭگىلىك تاعزىم» دەپ جازىلعان.