ءاليحان سمايىلوۆ اقش-تىڭ قازاقستانداعى ەلشىسىمەن كەزدەستى

تاراپتار ساۋدا-ەكونوميكا سالاسىنداعى قازىرگى جاعدايدى جانە ەنەرگەتيكا, كولىك-لوگيستيكا, اۋىل شارۋاشىلىعى, دەنساۋلىق ساقتاۋ, ءبىلىم بەرۋ, ەكولوگيا سالالارىنداعى قارىم-قاتىناستاردى نىعايتۋ پەرسپەكتيۆالارىن جانە باسقا دا ماسەلەلەردى تالقىلادى.

پرەمەر-مينيستر قازاقستان اقش-تى ەكىجاقتى جانە كوپجاقتى فورماتتاعى ستراتەگيالىق سەرىكتەسى سانايتىنىن اتاپ ءوتتى. بۇگىندە قازاقستاندا 900-دەن استام بىرلەسكەن كاسىپورىن تابىستى جۇمىس ىستەپ جاتىر.

ء«بىز امەريكا قۇراما شتاتتارىمەن بۇعان دەيىنگى ءتيىمدى ىنتىماقتاستىعىمىزدى كۇن تارتىبىندەگى كەڭ اۋقىمدى  ءوزارا ءىس-قيمىل بويىنشا ودان ءارى تەرەڭدەتۋگە جانە نىعايتۋعا نيەتتىمىز», دەدى ءاليحان سمايىلوۆ. 

ۇكىمەت باسشىسى بىلتىر ەلدەر اراسىنداعى تاۋار اينالىمى شامامەن 40%-عا ءوسىپ, 3,1 ملرد دوللار بولعانىن اتاپ ءوتتى. وسى رەتتە قازاقستان ساۋدا كولەمىن ودان ءارى ارتتىرۋعا الەۋەتتى جانە قۇنى 800 ملن دوللار بولاتىن 90 تاۋار ءتۇرىنىڭ ەكسپورتىن ارتتىرۋعا دايىن. 

اقش — قازاقستانعا تىكەلەي ينۆەستيتسيا تارتۋ بويىنشا كوشباسشى ەلدەردىڭ ءبىرى. بىلتىر امەريكالىق ينۆەستيتسيا ەكى ەسەگە جۋىق ءوسىپ, 5,1 ملرد دوللاردان استى. بۇل — پاندەمياعا دەيىنگى رەكوردتىق دەڭگەيگە تەڭ كورسەتكىش. 

ءوز كەزەگىندە, دەنيەل روزەنبليۋم قازاقستان-امەريكا قارىم-قاتىناستارىن ورتاق مۇددە نەگىزىندە ودان ءارى دامىتۋعا زور الەۋەت بار ەكەنىن اتاپ ءوتتى. 

ء«بىز ينۆەستيتسيالىق كورسەتكىشتەردى نىعايتىپ, ەكىجاقتى تاۋار اينالىمىن ارتتىرعىمىز كەلەدى. اقش كومپانيالارى قازاقستاندا ءتۇرلى سالالارداعى قىزمەت اۋقىمىن كەڭەيتۋگە مۇددەلى. بۇل تاۋ-كەن مەتاللۋرگيا كەشەنى, اۋىل شارۋاشىلىعى, دەنساۋلىق ساقتاۋ سالاسى, اقپاراتتىق-كوممۋنيكاتسيا جانە جاسىل تەحنولوگيالارعا, سونداي-اق كولىك سالاسىنا قاتىستى», دەدى دەنيەل روزەنبليۋم.  

سونداي-اق ول بيىلعى جازدا ءتۇرلى سەكتوردا قىزمەت ەتەتىن 20-عا جۋىق امەريكالىق كومپانيا ىسكەرلىك ماقساتتا قازاقستانعا كەلۋدى جوسپارلاپ وتىرعانىن ايتتى.  

كەزدەسۋ قورىتىندىسى بويىنشا تاراپتار ىنتىماقتاستىقتىڭ ءوزارا ءتيىمدى بارلىق باعىتى بويىنشا بايلانىستاردى بەلسەندى تۇردە جالعاستىرۋعا دايىن ەكەندىكتەرىن راستادى.