قر ءىىم اپك توراعاسىنىڭ ورىنباسارى رەنات زۇلقايىروۆ وكق الاڭىندا وتكەن بريفينگتە وتباسىلىق-تۇرمىستىق زورلىق-زومبىلىقتىڭ الدىن الۋ بويىنشا ەلدەگى جاعداي تۋرالى ايتتى, دەپ حابارلايدى Egemen.ءkz ىىم ءباسپاسوز قىزمەتىنە سىلتەمە جاساپ.
«تۇرمىستىق زورلىق-زومبىلىق – جالپى بۇگىنگى كۇننىڭ وتكىر الەۋمەتتىك پروبلەماسى, ويتكەنى ول قۇربانداردىڭ وزدەرىنە عانا تەرىس اسەر ەتىپ قويمايدى, سونىمەن بىرگە قوعامدى تۇراقسىزداندىرادى, الەۋمەتتىك تارتىپكە قاۋىپ توندىرەدى. جىل سايىن پوليتسياعا وتباسىلىق جانجالدارعا قاتىستى 100 مىڭنان استام شاقىرۋ كەلىپ تۇسەدى», دەيدى ر. زۇلقايىروۆ.
الايدا كەلىپ تۇسكەن 100 مىڭنان استام حابارلاما بويىنشا كىنالىلەر ەشقانداي جازاعا تارتىلماعان. زاڭ بار بولسا دا, جۇيە دۇرىس جۇمىس ىستەمەيدى. ونىڭ بىردەن ءبىر سەبەبى جابىرلەنۋشىلەردىڭ «ۇيدەگى ۇرىستى سىرتقا شىعارعىسى كەلمەگەنىنەن» بولىپ وتىر.
«سونىمەن قاتار ولاردىڭ 60%-ى بويىنشا پوليتسيا جابىرلەنۋشىلەردىڭ ءوتىنىش بەرۋدەن باس تارتۋىنا بايلانىستى شارا قولدانا المادى (2023 جىلعى 3 اي –27 357 حابارلامادان 10 548 ناريادقا ەسەپتەن شىعارىلدى). ونسىز, قولدانىستاعى زاڭناماعا سايكەس, پوليتسيا قىزمەتكەرى زورلىق كورسەتكەندەردى جاۋاپقا تارتا المايدى. سالدارىنان جازاسىزدىق – جۇگەنسىزدىككە جول بەرەدى», دەيدى ىىم اپك توراعاسىنىڭ ورىنباسارى.
قول جۇمساۋ جانجال شىعارۋعا بەيىم ادامداردىڭ ادەتىنە اينالعان. ال ونىڭ سوڭى, ودان دا اۋىر زارداپتارعا اكەپ سوعىپ جاتىر.
ءىىم مالىمەتىنشە, قۇقىق بۇزۋشىلاردىڭ 80 پايىزى ەر ادام.
سونىڭ ىشىندە, 30 جاستان 50 جاسقا دەيىنگى ەر ادامدار 52 پايىز. تۇراقتى جۇمىس ورنى بارلار 74 پايىز بولسا, كاسىپتىك جانە جوعارى ءبىلىمى جوقتار 90 پايىز.
تيىسىنشە, زارداپ شەگەتىندەردىڭ 78 پايىزى ايەلدەر.
رەنات زۇلقايىروۆتىڭ سوزىنشە, كوبىنە ولار جابىرلەۋشىگە ماتەريالدىق جانە پسيحولوگيالىق تاۋەلدى. جىلدار بويى قورلاۋ مەن قورقىتۋعا شىدايدى. بالالار دا زارداپ شەگەدى. ولار قاتىگەز كورىنىستەرگە كۋا بولادى. دەنساۋلىق ساقتاۋ ۇيىمىنىڭ باعالاۋى بويىنشا, وتباسىنداعى زورلىق-زومبىلىق جاسوسپىرىمدەردىڭ پسيحيكاسىنا, رۋحاني جانە ەموتسيونالدىق دامۋىنا كەرى اسەر ەتەدى. بالالار وتباسىندا كورەتىن مىنەز-ق ۇلىق پەن اگرەسسيانىڭ بۇل ۇلگىسىن ولار قاتارلاستارىنا جانە ۇيدەن تىس جەردە كورسەتەدى.