25 ساۋىردە انكارادا جەر سىلكىنىسى سالدارىن جويۋ كەزىندە قۇتقارۋ بولىمشەلەرىن باسقارعان توتەنشە ۆەدومستۆو وكىلدەرى ماراپاتتالدى, دەپ حابارلايدى Egemen.kz تجم ءباسپاسوز قىزمەتىنە سىلتەمە جاساپ.
80-نەن اسا ەلدىڭ وكىلدەرى اراسىندا قازاقستاننان تج ءبىرىنشى ۆيتسە-ءمينيسترى يبراگيم كۇلشىمباەۆ قاتىسقان. ول جەر سىلكىنىسى سالدارىن جويۋعا كومەك كورسەتكەنى ءۇشىن ناگرادتالدى. مەملەكەتتىك ناگرادانى تۇركيا پرەزيدەنتى رەدجەپ تايپ ەردوعان تابىس ەتتى.
«ماراپات ءۇشىن العىسىمدى بىلدىرەمىن! باۋىرلاس تۇرىك حالقىنا تاعى دا كوڭىل ايتامىن. ءومىردى قۇتقارۋعا قاتىسقان بارشا حالىققا, قۇتقارۋشىلار مەن ديپلوماتيالىق كورپۋسقا العىس! ءبىز تۇركيا حالقى جاقىن ارادا تابيعي اپاتتىڭ سالدارىن جەڭەدى دەپ سەنەمىز», دەدى يبراگيم كۇلشىمباەۆ.
ايتا كەتەيىك تۇركيانىڭ ءۇش وڭىرىندە ىزدەستىرۋ-قۇتقارۋ جۇمىستارىن جۇرگىزۋ باستالعاننان بەرى قازاقستان تجم قۇتقارۋشىلارىنىڭ كۇشتەرى 7 ادامدى قۇتقاردى. قازا تاپقان 88 ادامنىڭ, ونىڭ ىشىندە 10 بالانىڭ دەنەسى شىعارىلدى.