قازاق مادەنيەتىن زەرتتەپ جۇرگەن شەتەلدىك قىزدىڭ ەرەكشە وقيعاسى تاڭعالدىردى. ول قوبىز اسپابىندا دا جاقسى وينايدى. شەتەلدىك ازامات ءتىل ۇيرەنۋ ءۇشىن تۇركىستانعا كەلىپ, ۇلتتىق اسپاپتاردا ويناۋدىڭ قىر-سىرىن مەڭگەرە باستاعانىن ايتتى, دەپ حابارلايدى Egemen.kz otyrar.kz-كە سىلتەمە جاساپ.
ۆەنگر قىزى فەحەر ونىڭ سوزىنە باسقالاردىڭ تاڭعالاتىنىنا ۇيرەنىپ قالعان. ويتكەنى ول نەگىزىنەن قازاق تىلىندە سويلەيدى.
«ۇلتتىق اسپاپ قوبىزعا 2014 جىلى قىزىعا باستادىم. سول كەزدە «تۇران» ءانسامبلىنىڭ ونەرىن كوردىم. بۇل ماعان قاتتى اسەر ەتتى. سودان بەرى قازاق مادەنيەتىنە عاشىق بولدىم. مەن ءوز ەلىمدە قوبىز تارتۋ ەتكەن انسامبلدە ونەر كورسەتتىم. مەن اسپاپتى وڭاي مەڭگەردىم, ويتكەنى مەن ۆيولونچەلدە ويناي الامىن. كەيىن ماقسات مەدەۋبەكتەن ونلاين ساباق الدىم», دەدى فەحەر.
قازىر تالانتتى ارۋ قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە ۇلتتىق مۋزىكا ماماندىعى بويىنشا ءبىلىم الىپ جاتىر. ول مۋزىكالىق اسپاپتاردا جاقسى ويناپ قانا قويمايدى, سونىمەن قاتار بىرنەشە تىلدە ەركىن سويلەيدى. مەكتەپتە وقىپ جۇرگەندە اعىلشىن, نەمىس, ورىس جانە تۇرىك تىلدەرىن ۇيرەنگەن.
«مەن قازاقستانعا قازاق ءتىلىن ۇيرەنىپ, قوبىز اسپابىن مەڭگەرۋ ءۇشىن كوشىپ كەلدىم. مەنىڭ ۇستازىم ەراسىل قاۋىمباەۆ. ول ماعان دومبىرا تارتۋدى دا ۇيرەتەدى. بىراق دومبىرا تارتۋدى ۇيرەنەمىن دەپ ويلاماپپىن. دەگەنمەن ۇيرەنىپ جاتقانىما وتە قۋانىشتىمىن. ءار نارسەنىڭ ءوز ارتىقشىلىعى بار دەيدى», دەدى ۆەنگر قىزى.
باگلاركا فەحەردىڭ ءان جازاتىن تالانتى دا بار. ول قازاق مادەنيەتىنە دەگەن سۇيىسپەنشىلىك تۋرالى «دالا سىرى» ءانىن جازعان-دى.