سينوپتيكتەر 26 ساۋىرگە ارنالعان اۋا رايى بولجامىن ۇسىندى, دەپ حابارلايدى Egemen.kz.
«قازگيدرومەت» سينوپتيكتەرى ۇسىنعان مالىمەتكە سايكەس, رەسپۋبليكانىڭ باتىسىندا اتموسفەرالىق فرونتالدى ۋچاسكەلەردىڭ وتۋىمەن نايزاعاي ويناپ, جاڭبىر جاۋادى.
«كۇندىز اتىراۋ وبلىسىنىڭ وڭتۇستىگىندە قاتتى جاڭبىر جاۋادى, شىعىس قازاقستان وبلىسىندا تۇندە جاڭبىر مەن قار تۇرىندەگى جاۋىن-شاشىن, كۇندىز جاڭبىر جاۋادى», دەلىنگەن حابارلامادا.
رەسپۋبليكا بويىنشا وڭتۇستىكتە, وڭتۇستىك-باتىستا جانە باتىستا – شاڭدى داۋىل كۇتىلەدى.
سولتۇستىكتە, جەتىسۋ وبلىسىنىڭ تاۋلى ايماقتارىندا تۇندە 2-7 گرادۋس اياز ساقتالادى.
استانادا – كوشپەلى بۇلت شىعادى, بىراق جاۋىن-شاشىن كۇتىلمەيدى. وڭتۇستىك-باتىستان سوعاتىن جەل تۇندە 2-7, كۇندىز 7-12 م/س. اۋا تەمپەراتۋراسى تۇندە +4+6°س, كۇندىز +22+24°س.