قر پرەمەر-ءمينيسترىنىڭ ورىنباسارى التاي كولگىنوۆ GPark قۇرىلىس كومپانياسىنا تيەسىلى «دۋبلين» جانە «ۆاشينگتون» تۇرعىن ءۇي كەشەنىن بۇزۋ تۋرالى شەشىمگە قاتىستى پىكىر ءبىلدىردى, دەپ حابارلايدى Egemen.kz.
جۋرناليستەر ەلوردانىڭ بۇرىنعى اكىمىنەن قابىلدانعان شەشىمنىڭ سەبەبىن سۇرادى.
«ەشكىم بەتىمەن جىبەرمەدى. مۇنى اكىمدىكتەن ەگجەي-تەگجەيلى انىقتاۋ كەرەك. قۇجاتتاردى اقتارىپ, تەكسەرۋ كەرەك. مەنىڭ بىلۋىمشە, بۇل - ەكى شارۋاشىلىق سۋبەكتىنىڭ داۋى. ينجەنەرلىك جەلىلەر بولىمشەلەرىنىڭ ماماندارى رۇقسات بەرگەن كەزدە ءبىر-بىرىمەن كەلىسپەۋشىلىك بولعان. مەنىڭ بىلەتىنىم وسى. اكىمدىكتىڭ حابارلاۋىنشا, داۋ شەشىلدى, ەكى مەكەمە كەلىسىمگە كەلدى, تۇرعىنداردىڭ ەشقايسى زارداپ شەككەن جوق. اۋەلى ساۋلەت-جوسپارلاۋ مىندەتى, ينجەنەرلىك جەلىلەرگە تەحنيكالىق شارتتاردى شەشۋ ورىندالادى. بىراق قۇرىلىسقا رۇقسات قاعازى بەرىلمەيدى, بىرنەشە جىل بۇرىن جويىلدى. حابارلامادان كەيىن قۇرىلىسشى قۇرىلىستى باستايدى, كەيىن اكىمدىككە حابارلايدى», دەدى التاي كولگىنوۆ
ول سونداي-اق GPark باسشىسى عابيت ساتماعامبەتوۆتى الدىن الا كىنالاماۋدى سۇرادى.
«مەن اكىم بولىپ, اكىمدىكتە جۇمىس ىستەگەن كەزىمدە GPark وتە ادال جۇمىس ىستەدى جانە ءوزىن الەۋمەتتىك جاۋاپتى بيزنەس رەتىندە ۇستادى. بۇل كوپتەگەن مۇقتاج ادامعا كومەكتەستى. مەن مۇنى تەك وسى جاعىنان بىلەمىن. مۇندا ءبولىنۋ جوق. بۇل - ەكى شارۋاشىلىق جۇرگىزۋشى سۋبەكتىنىڭ داۋى. اكىمدىك بۇل جۇمىستى ۇيلەستىرۋى كەرەك», دەپ تولىقتىردى التاي كولگىنوۆ.