ءاليحان بوكەيحاننىڭ بۇرىن ەش جەردە جاريالانباعان سۋرەتى تابىلدى

سۋرەت ومبى مەملەكەتتىك تاريحي-ولكەتانۋ مۇراجايىنىڭ قورىندا ساقتالىپ كەلگەن. دالىرەك ايتقاندا, ول يمپەراتورلىق ورىس گەوگرافيالىق قوعامى باتىس ءسىبىر ءبولىمى تاراپىنان قارالعان ىسكە بايلانىستى جيناقتالعان قۇجاتتار اراسىنان شىققان. فوتوسۋرەتتى «ومبى ەكسپەديتسياسى» دەگەن اتپەن عىلىمي زەرتتەۋ جۇمىستارىن جۇرگىزگەن قازاقستان عالىمدارى تاپقان.

ەكسپەديتسيا جۇمىسىنا تاريح عىلىمدارىنىڭ دوكتورى, «ەۋرازيا» گۋمانيتارلىق زەرتتەۋلەر عىلىمي ورتالىعىنىڭ ديرەكتورى زيابەك قابىلدينوۆ, تاريح عىلىمدارىنىڭ كانديداتى, ەتنوگراف سۇلۋشاش قۇرمانوۆا جانە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ PhD دوكتورانتى, «الاش» مادەنيەت جانە رۋحاني دامۋ ينستيتۋتىنىڭ عىلىمي قىزمەتكەرى ەركىن راحمەتۋللين, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ «الاش» عىلىمي زەرتتەۋ ورتالىعىنىڭ ديرەكتورى سۇلتان حان اقق ۇلى اتسالىسقان. «الاش» عىلىمي زەرتتەۋ ورتالىعىنىڭ ديرەكتورى سۇلتان حان اقق ۇلى جازعانداي, ارحيۆتەگى سۋرەت ساقتالعان قۇجاتتاردا «پاۆلودارسكايا تيۋرما, 1908 گود» دەگەن جازۋ بولعان.

سۋرەتكە قازاق كوسەمى ورىس شارۋالارىنىڭ ءحىح عاسىردىڭ سوڭى مەن حح عاسىردىڭ باسىنداعى تاريحي كەزەڭگە ءتان كيەتىن جەيدەسىن, ونىڭ ۇستىنەن جەڭىل قازاقى شاپانىن, باسىنا ورىس شلياپاسىن كيىپ تۇسكەن.

جولدىباي بازار.

دەرەككوز: qazaquni.kz. فوتو: qazaquni.kz.