استانا قالاسىندا حالىقارالىق «EURASIAN BOOK FAIR - 2023» كىتاپ كورمە-جارمەڭكەسى ءوتىپ جاتىر. كورمەگە جىل سايىن قاتىسىپ جۇرگەن يران ەلشىلىگى ءوز مادەنيەتىن تانىستىردى, دەپ حابارلايدى Egemen.kz.
يران ەلشىلىگى بۇل كورمەگە يران ادەبيەتى كلاسسيكتەرىنىڭ كىتاپتارىن الىپ كەلگەن. سونداي-اق ادامداردىڭ قىزىعۋشىلىعىن تۋدىرىپ جاتقان قولونەر بۇيىمدارى قويىلعان.
ء«بىز بۇل كورمەگە جىل سايىن قاتىسامىز. كىتاپتارمەن قوسا يران مادەنيەتىن تانىستىراتىن قولونەر تۋىندىلارىن كورسەتەمىز. وتكەن جىلى قاتىسقان كەزدە قازاقستان تاراپىنان قىزىعۋشىلىق وتە جوعارى بولدى. سوندىقتان بيىل يراننان ارنايى ەكى شەبەردى شاقىردىق. بۇل جولى كورمەگە يران كلاسسيك اقىندارى كىتاپتارى, اۆتورلاردىڭ اۋدارمالارى قويىلدى», دەدى يران ەلشىلىگىنىڭ مادەني ءبولىم قىزمەتكەرى.
سونداي-اق شەبەرلەر قولونەر جۇمىستارىن تانىستىردى. ەرەكشە كوزگە تۇسكەن يران كالليگرافياسى تۋىندىلارى بولدى. شەبەر ءارتۇرلى جازۋلاردى پارسى تىلىندە كوركەم تۋىندىعا اينالدىرىپ ارنايى جازىپ بەرەدى.