پارلامەنت سەناتىنىڭ توراعاسى ماۋلەن اشىمباەۆ قازاقستاندىقتاردى ورازا ايت مەرەكەسىمەن قۇتتىقتادى. بۇل تۋرالى ول وزىنىڭ Facebook پاراقشاسىندا جازدى, دەپ حابارلايدى Egemen.kz.
«قۇرمەتتى دوستار!
بارشاڭىزدى ورازا ايت مەرەكەسىمەن شىن جۇرەكتەن قۇتتىقتايمىن!
حالقىمىز بۇل مەيرامدى قاشاندا ەرەكشە ىقىلاسپەن اتاپ وتەدى. وسى كۇندەرى ءبىر-بىرىنە جاقسىلىق جاساۋعا اسىعىپ, قۋانىشتى كۇيگە بولەنەدى. سوندىقتان ايت كۇندەرى يماندىلىق پەن ادامگەرشىلىك قۇندىلىقتارى قاتار دارىپتەلەدى دەۋگە تولىق نەگىز بار.
رامازان – مۇسىلمان قاۋىمى ءۇشىن رۋحاني تازارۋ كەزەڭى. وسى ايدا مول ساۋاپتان ءۇمىت ەتىپ, ورازا تۇتقان جاندارعا نيەتتەرىڭىز بەن دۇعالارىڭىز قابىل بولسىن دەيمىن. ۇلىق مەيرام ءار شاڭىراققا شاتتىق پەن باق-بەرەكە اكەلسىن. ەلىمىز امان, جۇرتىمىز تىنىش بولسىن.
ايتتان ايتقا امان-ەسەن جەتە بەرەيىك!», دەپ جازبا قالدىردى ول.