ورتالىق كوممۋنيكاتسيالار قىزمەتىندە وتكەن بريفينگتە وقۋ-اعارتۋ مينيسترلىگىنىڭ «ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعى» رمم ديرەكتورى ايگەرىم كۋدەرينوۆا قازاقستاندا ينكليۋزيۆتى ءبىلىم بەرۋگە باعىتتالعان جوبالار جايلى مالىمەت بەردى, دەپ حابارلادى Egemen.kz.
ەلىمىزدە ينكليۋزيۆتى ءبىلىم بەرۋ جۇيەسىن دامىتۋ بويىنشا اۋقىمدى جۇمىس اتقارىلدى. اتاپ ايتقاندا, سوڭعى جىلدارى نورماتيۆتىك-قۇقىقتىق اكتىلەرگە ءبىرتالاي وزگەرىستەر ەنگىزىلدى. ماسەلەن, ەرەكشە ءبىلىم بەرۋدى قاجەت ەتەتىن بالالاردىڭ ساناتى كەڭەيتىلدى.
«بۇرىن وسى ساناتقا تەك ءبىلىم الۋ بارىسىندا دەنساۋلىعىنا بايلانىستى قيىندىق كورەتىن مۇمكىندىگى شەكتەۋلى بالالار عانا جاتاتىن. ال بۇگىنگى تاڭدا بۇل ساناتقا باسقا دا – الەۋمەتتىك نەمەسە ەكونوميكالىق تۇرعىدان بولسىن بەلگىلى ءبىر قيىندىق كورەتىن بالالار جاتقىزىلدى», دەدى ءا.كۋدەرينوۆا.
سپيكەردىڭ ايتۋىنشا, سوڭعى ەكى جىلدا وقۋشىلارعا كومەك كورسەتۋ بويىنشا جازعى مەكتەپ ۇيىمداستىرىلىپ كەلەدى. دارىندى بالالار دا ەرەكشە نازارعا الىندى.
ورتالىق ديرەكتورىنىڭ ايتۋىنشا, ەرەكشە ءبىلىم بەرۋدى قاجەت ەتەتىن بالالاردىڭ ىشىندە ەڭ كوپ قيىندىق تۋعىزاتىنى – مۇمكىندىگى شەكتەۋلى بالالار. قازىر مۇنداي بالالاردىڭ سانى 188 مىڭنان اسادى.
«مۇنداي بالالاردى انىقتاپ, وقىتۋ ءۇشىن پسيحولوگيالىق-مەديتسينالىق-پەداگوگيكالىق كونسۋلتاتسيالار جۇمىس ىستەيدى. سونىمەن بىرگە وسى بالالاردى قولداۋ ماقساتىندا پسيحولوگيالىق-پەداگوگيكالىق سۇيەمەلدەۋدى جۇرگىزەتىن ارنايى مەكەمەلەر اشىلعان. دالىرەك ايتقاندا, قازاقستاندا 208 تۇزەتۋ كابينەتى, 13 وڭالتۋ ورتالىعى, سونىمەن قاتار 42 ارنايى بالاباقشا مەن 99 ارنايى مەكتەپ جۇمىس ىستەيدى», دەدى ارنايى ءبىلىم بەرۋدى دامىتۋ ورتالىعىنىڭ باسشىسى.
بۇگىندە 4 مىڭنان اسا جالپى ءبىلىم بەرەتىن مەكتەپتىڭ ىشىندە 40 مىڭنان استام ەرەكشە ءبىلىم بەرۋدى قاجەت ەتەتىن بالا وقيتىنىن ايتا كەتۋ كەرەك.