استانادا Eurasian Book Fair-2023 ەۋرازيالىق حالىقارالىق كىتاپ كورمە-جارمەڭكەسى باستالدى. اتالمىش جارمەڭكە 5 كۇن بويى وتەدى, دەپ حابارلايدى Egemen.kz.
حالىقارالىق ءىس-شارانىڭ ماقساتى - كىتاپ وقۋدى ناسيحاتتاۋ, وقىرمان مادەنيەتىن قالىپتاستىرۋ.
كورمەدە تەك ەرەسەكتەرگە عانا ەمەس بالالارعا ارنالعان كوركەم ادەبيەتتىڭ سان الۋان ءتۇرى ۇسىنىلعان.
جىل سايىن تۇراقتى تۇردە وتكىزىلەتىن بۇل كورمەگە قازاقستاننىڭ تۇپكىر-تۇپكىرىنەن جينالعان كىتاپسۇيەر قاۋىم جينالدى. حالىقتىڭ كوپتەپ جينالعانى بايقالادى, اسىرەسە جاس وقىرماندار ءتۇرلى باسپا پاۆيلوندارىنىڭ الدىنا جينالعانى جانعا جىلۋ ۇيالاتادى.
جالپى, اتالمىش جارمەڭكەگە 70-تەن استام باسپا قاتىسىپ جاتىر. ونىڭ ىشىندە تەك قازاقستاندىق قانا ەمەس شەتەلدىك باسپالاردى بايقاۋعا بولادى. اتاپ ايتقاندا, رەسەي, ياكۋتيا, قىتاي, وزبەكستان, تۇركيا باسپالارى كىتاپتارىن وقىرماندارعا ۇسىندى.
ايتا كەتسەك, كورمە بارىسىندا ءار باسپا ءتۇرلى ءىس-شارا ۇيىمداستىرىپ وىترادى. بىرەۋى جاڭادان شىققان كىتابىنىڭ تۇساۋكەسەرىن وتكىزىپ جاتسا, «وتانداستار» قورى ء«ار قازاققا - ءبىر كىتاپ» جوباسىن باستاپ كەتتى. قوردىڭ پاۆيلونىندا ارنايى QR-كود ورناتىلعان ەكەن, سول QR-كودتى ساتىپ الۋشىلار سكانەرلەيدى. جينالعان قارجىعا شەتەلدە تۇراتىن وتانداستارىمىزعا كىتاپ سىيلاۋ ۇيعارىلىپتى.