اي-92 ماركالى بەنزيننىڭ باعاسى وسى اپتادان قۇبىلا باستادى. قالاداعى جانارماي قۇيۋ ستانسالارىندا ەڭ قىمبات بەنزيننىڭ ءليترى 205 تەڭگەگە جەتىپ تۇر. ال ديزەل وتىنى كەيبىر ستانسالاردا جوق ەكەنى اڭعارىلىپ قالدى.
قازىرگى كۇنى اي-92 بەنزينى بويىنشا ەڭ تومەنگى باعانى «مونوليت» ء(ليترى 178 تەڭگە) پەن «قازاقويل» (182 تەڭگە) ستانسالارى ۇسىنىپ وتىر. دەگەنمەن تالون تۇرىندە الساڭىز ءليترى كەمىندە 200 تەڭگەدەن ساتىلادى. ياعني بۇل كومپانيالار الداعى ۋاقىتتا سۇيىق وتىننىڭ باعاسىن وسىرەتىنىنە كۇمان جوق.
ال «گەليوس», «پەگاس», «گازپرومنەفت» باعانى كوتەرىپ تاستادى. ەڭ قىمبات بەنزين «گازپرومنەفت» ستانسالارىندا تىركەلدى ء(ليترى – 205 تەڭگە). اتاۋلى بەنزيننىڭ ءليترى «گەليوستا» - 201, «پەگاستا» 199 تەڭگە تۇرادى. «پەترول» مەن «پاركوۆايا» كومپانيالارى اۆتوكولىك وتىنىنىڭ باعاسىن سايكەسىنشە 185 جانە 192 تەڭگە دەڭگەيىندە ۇستاعانىمەن, بۇلادا ديزەل وتىنى جوق.
ەرتىستىڭ پاۆلودار ءوڭىرى ءبىر ايدا شامامەن 9-10 مىڭ توننا ديزەل, 7 مىڭ توننا بەنزين تۇتىنادى. ءوڭىر بويىنشا 147 جانارماي قۇيۋ ستانساسى بار بولسا, بولشەك ساۋداداعى ەڭ ىرىلەرى – «مونوليت» (14 ستانساسى بار), «پەترول» (11), «پەگاس» (15), «گەليوس» (21), «قازاقويل» (14) جانە «گازپرومنەفت» (3) جەلىلەرى. «قازاقويل» وپەراتورى جانار-جاعارمايدى تولىقتاي «قازمۇنايگازدان», وزگەلەرى «PETROSUN» سەرىكتەستىگىنەن الادى.