ستۋدەنتتەر مەن ماگيسترانتتاردىڭ شاكىرتاقىسى وسەدى

قۇجاتقا سايكەس:

پەداگوگيكالىق دايىندىق باعىتتارى مەن «دەنساۋلىق ساقتاۋ» باعىتى بويىنشا وقيتىن ستۋدەنتتەردى قوسپاعاندا, جوعارى وقۋ ورىندارىندا وقيتىن ستۋدەنتتەرگە – 41 898 تەڭگە (قازىر 36 660 تەڭگە); جوو-دا پەداگوگيكالىق باعىتتار بويىنشا وقيتىن ستۋدەنتتەرگە - 67 200 تەڭگە (قازىر 58 800 تەڭگە); «دەنساۋلىق ساقتاۋ» باعىتى بويىنشا جوعارى وقۋ ورىندارىندا وقيتىن ستۋدەنتتەرگە - 67 200 تەڭگە (قازىر 58 800 تەڭگە); ينتەرندەرگە - 75 890 تەڭگە (قازىر 66 403 تەڭگە); ماگيسترانتتارعا - 97 024 تەڭگە (قازىر 86 987 تەڭگە); «نازارباەۆ ۋنيۆەرسيتەتىندە» وقيتىن ماگيسترانتتارعا - 181 250 تەڭگە (قازىر 162 500 تەڭگە); دوكتورانتتارعا - 217 500 تەڭگە (قازىر 195 000 تەڭگە); «دەنساۋلىق ساقتاۋ» دايىندىق باعىتى بويىنشا دوكتورانتتارعا - 217 500 تەڭگە (قازىر 195 000 تەڭگە); «دەنساۋلىق ساقتاۋ» دايارلاۋ باعىتى بويىنشا رەزيدەنت دارىگەرلەر مەن ماگيسترانتتارعا - 111 579 تەڭگە (قازىر 100 036 تەڭگە); قر جوعارعى سوتىنىڭ جانىنداعى مەملەكەتتىك ورگانداردان وقۋعا جىبەرىلگەن سوت تورەلىگى اكادەمياسىنىڭ ماگيسترانتتارىنا - سوڭعى جۇمىس ورنى بويىنشا لاۋازىمدىق جالاقى دەڭگەيىندە, بىراق مەملەكەتتىك ءبىلىم بەرۋ تاپسىرىسى بويىنشا وقيتىن ماگيسترانتتار ءۇشىن بەلگىلەنگەن مەملەكەتتىك ستيپەنديا مولشەرىنەن تومەن ەمەس; تەحنيكالىق جانە كاسىپتىك ءبىلىم بەرۋ ۇيىمدارىندا جۇمىسشى بىلىكتىلىگى بويىنشا وقيتىن ستۋدەنتتەرگە - 32 681 تەڭگە (قازىر 21 787 تەڭگە); تەحنيكالىق جانە كاسىپتىك (ورتا بۋىن ماماندارىن دايارلاۋدى كوزدەيتىن), ورتا بىلىمنەن كەيىنگى ءبىلىم بەرۋ ۇيىمدارىندا وقيتىن ستۋدەنتتەرگە – 31 422 تەڭگە (قازىر 20 948 تەڭگە).

مينيسترلىك ازىرلەگەن قۇجات 4 مامىرعا دەيىن اشىق تالقىلاۋ ءۇشىن «اشىق نقا» سايتىندا ورنالاستىرىلعان.