ەلوردانىڭ كوممۋنالدىق قىزمەتتەرى تاۋلىك بويى كۇشەيتىلگەن رەجيمدە جۇمىس ىستەپ جاتىر. كۇن سايىن قار كۇرەۋ جۇمىسىنا ەكى مىڭنان استام جۇمىسشى جۇمىلدىرىلادى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
19 ساۋىرگە قاراعان ءتۇنى قالادان 36 مىڭ تەكشە مەتردەن استام قار نەمەسە 2567 رەيس شىعارىلدى.
تاڭەرتەڭ ەلوردانىڭ كوشەلەرى مەن جولدارىن قار مەن مۇزدان 2 307 جول جۇمىسشىسى مەن مىڭنان استام ارنايى تەحنيكا تازارتتى.
قىس مەزگىلىنىڭ باسىنان بەرى قالادان ءتورت ميلليون تەكشە مەتردەن استام قار شىعارىلدى, بۇل 328 مىڭنان استام اۋىر جۇك كولەمىنە تەڭ.
قالا تۇرعىندارى كوكتايعاق كەزىندە قوزعالىس ەرەجەسىن ساقتاۋى, جۇرگىزۋشىلەر جولدا مۇقيات بولۋى جانە قاۋىپسىز قاشىقتىقتى ساقتاۋى قاجەت.