ەكىباستۇز قالاسىنىڭ اكىمدىگى «ەكىباستۇزجىلۋەنەرگو» جشس-ءىن سوتقا بەردى, دەپ حابارلايدى Egemen.kz.
ازاماتتىق ءىس وبلىستىق مامانداندىرىلعان اۋدانارالىق ەكونوميكالىق سوتىندا قارالىپ جاتىر. قالا اكىمدىگى اپاتتىڭ سالدارىن جويۋعا بولىنگەن قارجىنى كاسىپورىننان ءوندىرىپ الماق.
ەسكە سالايىق, 2022 جىلدىڭ 28 قاراشاسى مەن 8 جەلتوقسانى ارالىعىندا ەكىباستۇز جەو-دا بولعان اپاتقا بايلانىستى تەحنوگەندىك توتەنشە جاعداي جاريالانعان ەدى.
سول تۇستا جىلۋسىز قالعان 100-گە جۋىق تۇرعىن ۇيدەگى جاعدايدى رەتتەپ, جەلىلەردى اۋىستىرۋ ءۇشىن ەلدىڭ باسقا وڭىرىنەن جۇمىسشىلار جۇمىلدىرىلدى. ولاردى ورنالاستىرىپ, تاماقتاندىرىپ, توتەنشە جاعداي كەزىندە جۇمىس ىستەگەن تەحنيكالاردى جانار-جاعارمايمەن قامتۋ ءۇشىن جەرگىلىكتى بيۋدجەتتىڭ توتەنشە جاعدايدا پايدالانىلاتىن قورىنان 22 ملن تەڭگەدەن استام قارجى بولىنگەن.
قالالىق پروكۋراتۋرانىڭ ۇسىنىسى بويىنشا كاسىپورىنعا اتالعان شىعىنداردى وتەۋ تۋرالى ارىز, داۋدى سوتقا دەيىن رەتتەۋ تۋرالى تالاپ جولدانعان. ال «ەكىباستۇزجىلۋەنەرگو» جشس اقشانى قايتارۋدان باس تارتقان.