ءىرى سالىق تولەۋشىلەرگە قاتىستى جۇرگىزىلىپ جاتقان سالىقتىق اكىمشىلەندىرۋ شەڭبەرىندە «ارسەلورميتتال تەمىرتاۋ» اكتسيونەرلىك قوعامىندا 2019 جىلعا كورپوراتيۆتىك تابىس سالىعى بويىنشا اۆانستىق تولەمدەر سوماسى تومەندەتىلگەنى انىقتالدى.
«كامەرالدىق مونيتورينگ جۇرگىزۋ كەزىندە ناقتى ەسەپتەلگەن كورپوراتيۆتىك تابىس سالىعىنىڭ مالىمدەلگەن اۆانستىق تولەمدەر سوماسىنان 20%-دان اسىپ كەتۋى انىقتالدى. وسىعان بايلانىستى قر اقبتك-ءنىڭ 278-بابىنىڭ 3-بولىگى بويىنشا 1,2 ملرد تەڭگەدەن استام ايىپپۇل سوماسىنا اكىمشىلىك ماتەريال تولتىرىلدى», دەلىنگەن قاراعاندى وبلىسى بويىنشا مەملەكەتتىك كىرىستەر دەپارتامەنتىنىڭ ءباسپاسوز قىزمەتى تاراتقان حابارلامادا.
وسى جىلدىڭ ناۋرىز ايىندا «ارسەلورميتتال تەمىرتاۋ» اق اپەللياتسيالىق شاعىمىن قاراۋ بارىسىندا قاراعاندى وبلىستىق سوتى دەپارتامەنتتىڭ دالەلدەرىن قولدادى جانە اكىمشىلىك ايىپپۇل كۇشىندە قالدى.
2022 جىلدىڭ قاراشا ايىندا دەپارتامەنت قىزمەتكەرلەرى 2017 جىل ءۇشىن وسىنداي بۇزۋشىلىقتى انىقتاعان ەدى, بيۋدجەتكە 1,3 ملرد تەڭگە كولەمىندە ايىپپۇل تولىق كولەمدە ءوندىرىلدى.
2017 جانە 2019 جىلدارى انىقتالعان بۇزۋشىلىقتار بويىنشا ايىپپۇلدىڭ جالپى سوماسى 2,5 ملرد تەڭگەدەن استى.