شقو سىبايلاس جەمقورلىققا قارسى قىزمەتى الەۋمەتتىك جەلىدە قۇرداسىن قاتتى سوققىعا جىققان قىزدىڭ اكەسى انتيكور قىزمەتكەرى دەگەن اقپاراتقا قاتىستى پىكىر ءبىلدىردى, دەپ حابارلايدى Egemen.kz.
«الەۋمەتتىك جەلىلەردە شقو سىبايلاس جەمقورلىققا قارسى قىزمەت قىزمەتكەرلەرىنىڭ قوعامدا رەزونانس تۋدىرعان ادك ساۋدا ورتالىعىندا بولعان وقيعاعا قاتىسۋشىلارمەن تۋىستىق بايلانىسى بارى تۋرالى اقپارات تارادى. بۇل دەرەك شىندىققا جاناسپايتىنىن, جانجالعا قاتىسقان قىزدىڭ شقو بويىنشا سىبايلاس جەمقورلىققا قارسى قىزمەت قىزمەتكەرلەرىمەن ەشقانداي تۋىستىق قارىم-قاتىناسى جوق ەكەنىن رەسمي تۇردە مالىمدەيمىز», دەپ جازدى شقو سىبايلاس جەمقورلىققا قارسى ءىس-قيمىل اگەنتتىگى دەپارتامەنتىنىڭ باسشىسى دەنيس شاكەنوۆ الەۋمەتتىك جەلىدەگى پاراقشاسىندا.