فرانتسيا پرەزيدەنتى زەينەت رەفورماسىنا قاتىستى شەتەلدە دە سىنعا ۇشىرادى. نيدەرلاندىدا زاڭ جوباسىنا قارسى ازاماتتار ماكروننىڭ ءسوزىن ءبولدى, دەپ حابارلايدى Egemen.kz Euronews اگەنتتىگىنە سىلتەمە جاساپ.
فرانتسيا پرەزيدەنتى ءوز ەلىنەن تىسقارى جەردە دە دا زەينەت رەفورماسىنا قاتىستى سىننان قاشىپ قۇتىلا المادى. نيدەرلاندىدا ەممانۋەل ماكروننىڭ ءسوزىن زەينەت رەفورماسىنا قارسى شىعۋشىلار ءبولدى.
جاعداي تارتىپكە كەلتىرىلگەننەن كەيىن, ماكرون بۇل رەفورمانى فرانتسيانىڭ تاۋەلسىز دەرجاۆا رەتىندەگى بولاشاعى ءۇشىن وتە قاجەت ەلەمەنتتەردىڭ ءبىرى دەپ اتادى.
«بۇل وتە ماڭىزدى, ايتپەسە ءبىز ەگەمەندىگىمىز بەن ءوز بەتىمىزشە شەشىم قابىلداۋ مۇمكىندىگىنەن ايىرىلامىز. ءبىز 2050 جىلعا قاراي كومىرتەگىنەن بەيتاراپ ەلگە اينالامىز, بىراق قىتاي جانە امەريكا تەحنولوگيالارىن پايدالانامىز. بۇل بىزگە قاۋىپ توندىرەدى ءارى ۇلكەن سوققى بولادى. ويتكەنى مۇنداي جاعداي جۇمىس ورىندارىن جويىپ, ءبىز ءوز بەتىمىزشە شەشىم قابىلداي المايتىن جاعدايعا جەتەمىز», دەدى فرانتسيا باسشىسى.
ماكرون بىرنەشە رەت اقش پەن قىتايدان «ستراتەگيالىق اۆتونوميا» قۇرۋدى ۇسىندى. سونىمەن قاتار بەيجىڭگە كوروناۆيرۋستان كەيىنگى العاشقى ساپارى كەزىندە فرانتسيا پرەزيدەنتى ەكونوميكالىق بايلانىستاردىڭ ايتارلىقتاي نىعايعانىن مالىمدەدى. ەممانۋەل ماكرونمەن بىرگە بىرنەشە كەلىسىمشارتقا قول قويعان فرانتسيالىق ءىرى كومپانيا وكىلدەرى ءجۇردى.