استانادا پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمى بويىنشا ەكى اۋداننىڭ اكىمدەرى تاعايىندالدى. نۇرا اۋدانىنىڭ اكىمى قىزمەتىنە ءجۇسىپ جۇماعۇلوۆ, ال سارىارقا اۋدانىنىڭ اكىمى بولىپ باۋىرجان ەرالى تاعايىندالدى, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
ءجۇسىپ جۇماعۇلوۆ – پرەزيدەنتتىك جاستار كادر رەزەرۆىنىڭ مۇشەسى. ەڭبەك جولىن ەلوردانىڭ ينۆەستيتسيالار جانە دامۋ باسقارماسىنىڭ مامانى لاۋازىمىنان باستاعان. 2016 جىلدان 2019 جىلعا دەيىن ء«دىن پروبلەمالارىن زەرتتەۋ ورتالىعى» كمم باسشىسىنىڭ ورىنباسارى, ەلوردانىڭ قوعامدىق دامۋ ىستەرى باسقارماسى باسشىسىنىڭ ورىنباسارى قىزمەتتەرىن اتقاردى. 2020 جىلدان باستاپ ەلوردا اكىمى اپپاراتى باسشىسىنىڭ ورىنباسارى بولىپ ەڭبەك ەتتى. 2022 جىلدىڭ اقپان ايىنان باستاپ سارىارقا اۋدانىنىڭ اكىمى قىزمەتىن اتقاردى.
باۋىرجان ەرالى ەڭبەك جولىن قارجى مينيسترلىگى مەملەكەتتىك كىرىستەر كوميتەتىنىڭ ينسپەكتورى لاۋازىمىنان باستاعان. ءار جىلدارى ساراپشى, «احۋالدىق ورتالىق» باسقارماسىنىڭ باس ساراپشىسى, «ەلەكتروندىق دەكلاراتسيالاۋ ورتالىعى» باسقارماسى باسشىسىنىڭ ورىنباسارى م.ا. لاۋازىمدارىن اتقاردى. 2022 جىلى «قارجى مينيسترلىگى مكك باس ديسپەتچەرلىك باسقارماسى» رمم باسشىسىنىڭ ورىنباسارى بولىپ ەڭبەك ەتتى. تاعايىندالعانعا دەيىن ەلوردا اكىمىنىڭ كەڭەسشىسى قىزمەتىن اتقاردى.
مەملەكەت باسشىسىنىڭ تاپسىرمالارى اياسىندا اۋدان اكىمدەرىنە اۋداندار مەن ەلدى مەكەندەردى دامىتۋ بويىنشا بىرقاتار مىندەت قويىلدى.