قر پرەمەر-ءمينيسترىنىڭ ورىنباسارى التاي كولگىنوۆ ەلوردا حالقىنىڭ سانى بويىنشا ۇكىمەتتىڭ بولجامىمەن ءبولىستى. ونىڭ اۋتىنشا, 2035 جىلعا قاراي استانا حالقىنىڭ سانى 2,5 ميلليونعا جەتەدى, دەپ حابارلايدى Egemen.kz.
«باس جوسپارعا سايكەس, 2023 جىلعا قاراي ەلوردا تۇرعىندارىنىڭ سانى 800 مىڭ ادام بولادى دەگەن بولجامدار بولعان. سودان كەيىن تاجىريبە باسقاشا كورسەتتى, ياعني بارلىق بولجام جوسپاردان اسىپ ءتۇستى, 2010 جىلى باس جوسپار تۇزەتىلگەندە 2030 جىلعا قاراي 1 ميلليون 200 مىڭ ادام بولادى دەپ جوسپارلاندى. بۇل مەجە 2020 جىلى ورىندالعان», دەدى التاي كولگىنوۆ.
بۇل رەتتە ۆيتسە-پرەمەر حالىق سانىنىڭ جەدەل وسۋىنە بايلانىستى ەلوردا ينفراقۇرىلىمىن ودان ءارى جەتىلدىرۋ قاجەت.
«حالىق ءوسىمىن, ديناميكاسىن ەسكەرە وتىرىپ, قازىر بولجامدار 2035 جىلعا قاراي 2 ميلليون 200 مىڭ نەمەسە 2 ميلليون 500 مىڭ ادام بولاتىنىن كورسەتىپ وتىر. ءبىز بۇل ءۇشىن ينفراقۇرىلىمدى دايىنداۋىمىز كەرەك. بيىل اكىمدىك ۇكىمەتكە بارىپ, وسى باس جوسپاردى بەكىتۋى كەرەك. باس جوسپارعا سايكەس مەكتەپتەر, بالاباقشالار, الەۋمەتتىك نىساندار, الەۋمەتتىك تۇرعىن ۇيلەر سانى ارتتى, ينجەنەرلىك ينفراقۇرىلىم, مىسالى, ەكى گاز جىلۋ ستانتسياسىنىڭ قۇرىلىسىن باستادىق», دەپ ويىن اياقتادى كولگىنوۆ.