سەيسەنبىگە قاراعان ءتۇنى شيۆەلۋچ جانارتاۋى 15 شاقىرىمداي جەرگە كۇل اتقىلادى, دەپ حابارلايدى Egemen.kz سينحۋا اقپارات اگەنتتىگىنە سىلتەمە جاساپ.
رعا قشب ۆۋلكانولوگيا جانە سەيسمولوگيا ينستيتۋتىنىڭ ديرەكتورى الەكسەي وزەروۆتىڭ ايتۋىنشا, شيۆەلۋچقا ەڭ جاقىن ورنالاسقان ەلدى مەكەن - كليۋچي كەنتىندە مۇنداي كولەمدە كۇلدىڭ ءتۇسۋى سوڭعى رەت 1964 جىلى تىركەلگەن. قازىر ونىڭ قالىڭدىعى شامامەن 8,5 سم جەتكەن.
كۇل شيۆەلۋچتان سولتۇستىك-باتىسقا قاراي 500 شاقىرىمعا سوزىلىپ, ارى قاراي تارالىپ جاتىر. قازىر كليۋچي مەن كوزىرەۆسك اۋىلدارىن كۇل باستى. ميلكوۆسكي, تيگيل, ەليزوۆسكي, بىسترين اۋداندارىندا جانە پەتروپاۆل-كامچاتسكىدە دە تۋرا سول قۇبىلىس قايتالانۋى مۇمكىن.
اۋا-رايىنىڭ قولايسىزدىعىنا بايلانىستى جانارتاۋدى بەينەباقىلاۋ قيىن بولىپ تۇر.
شيۆەلۋچ - كامچاتكاداعى ەڭ ۇلكەن جانارتاۋلاردىڭ ءبىرى. جانارتاۋدىڭ بيىكتىگى - 3 283 مەتر. ول ءۇش نەگىزگى قۇرىلىمدى قامتيدى: ەسكى شيۆەلۋچ جانارتاۋى, ەجەلگى كالدەرا جانە بەلسەندى جاس شيۆەلۋچ جانارتاۋى.