ۇلتتىق بانك بازالىق پايىزدىق مولشەرلەمەنى بۇرىنعى, ياعني 16,75 پايىز دەڭگەيىندە ساقتاۋ تۋرالى شەشىم قابىلدادى. اقشا-كرەديت ساياساتى كوميتەتى بۇل شەشىمدى كەيبىر ەلدەردە باياۋلاۋىنا قاراماستان جاھاندىق ينفلياتسيا قىسىمىنىڭ ءالى دە جوعارى بولىپ تۇرۋىمەن تۇسىندىرەدى. ءيا, ينفلياتسيا ناۋرىزدا ازداپ تومەندەدى. بىراق ينفلياتسيانىڭ ورنىقتى جانە تۇراقتى تومەندەۋ ترەندى تۋرالى ايتۋعا ءالى ەرتە دەيدى ۇب وكىلدەرى.
جاقىن ارادا ينفلياتسيا تومەندەيدى دەگەنگە حالىقتىڭ دا سەنىمى از, ونىڭ ۇستىنە مەملەكەتتىك شىعىستاردىڭ ۇلعايۋى, جانار-جاعارماي جانە تۇرعىن-ءۇي كوممۋنالدىق شارۋاشىلىق نارىعىندا ۋاقىتى كەلگەن رەفورمالار تۇرىندەگى پروينفلياتسيالىق فاكتورلار ساقتالىپ جانە ىسكە اسىرىلا باستادى. بۇل دا قىسىمدى كۇشەيتەدى.
«ينفلياتسيانىڭ ورنىقتى بولىگى دە باياۋلاۋدى كورسەتكەنىمەن, پروينفلياتسيالىق ورتانىڭ ساقتالۋىن دالەلدەپ, ءالى دە جوعارى قالپىندا قالىپ وتىر. قاڭتار-اقپان ايلارىندا ينفلياتسيالىق كۇتۋلەر تومەندەگەننەن كەيىن قايتادان جەدەلدەدى. ناۋرىزدا ءبىر جىلدان كەيىن كۇتىلەتىن ينفلياتسيا رەسپوندەنتتەر تاراپىنان 16,5% دەڭگەيىندە باعالاندى (اقپاندا – 14,2%). ينفلياتسيالىق كۇتۋلەردىڭ فاكتورلارىنا ازىق-ت ۇلىك باعاسىنىڭ وزگەرۋى, سىرتقى وقيعالار, تەڭگە باعامىنىڭ وزگەرۋى, سونداي-اق جالاقى مەن زەينەتاقىنىڭ ءوسۋى جاتادى. سىرتقى ينفلياتسيا باياۋلاعانىنا قاراماستان جوعارى قالپىندا قالىپ وتىر. ازىق-ت ۇلىكتىڭ الەمدىك باعاسى ۇزدىكسىز تومەندەپ كەلەدى, بىراق ءالى دە سوڭعى بەس جىلداعى ورتاشا ماندەردەن جوعارى قالىپتاسادى», دەپ مالىمدەدى ۇلتتىق بانك.
ەۋروپا ورتالىق بانكتەرى ينفلياتسيا ءالى ۇزاق ۋاقىت بويى جوعارى قالپىن ساقتاپ قالادى دەپ كۇتەدى دەلىنەدى حابارلامادا.
«پروينفلياتسيالىق تاۋەكەلدەر ساقتالىپ, ءىشىنارا جۇزەگە اسا باستادى. قۇبىلمالى ينفلياتسيالىق كۇتۋلەر ەلدەگى پروينفلياتسيالىق ورتانىڭ جوعارىلاعانىن كورسەتەدى. رەتتەلەتىن تاۋارلار مەن قىزمەتتەر باعاسىنىڭ ءوسۋى سالدارىنان ينفلياتسيانىڭ ىقتيمال جەدەلدەۋ تاۋەكەلى ساقتالىپ, ءىشىنارا جۇزەگە اسا باستادى. سونىمەن بىرگە رەسپۋبليكالىق بيۋدجەت شىعىستارىن ەلەۋلى تۇردە قايتا قاراۋ جانە بيۋدجەتتىك قاعيدانى پايدالانۋدى ۋاقىتشا توقتاتۋ بەلگىسىزدىكتى تۋىنداتىپ, تاۋەكەلدەر بالانسىن پروينفلياتسيالىق جاعىنا ىعىستىرادى», دەپ حابارلايدى.
وسىنىڭ بارلىعىن ەسكەرە وتىرىپ ۇلتتىق بانك ءبىرىنشى جارتى جىلدىقتا بازالىق مولشەرلەمەنى قازىرگى ماندە ساقتاپ قالۋدى ورىندى كورگەن. بۇل ەلىمىزدەگى ينفلياتسيالىق ۇدەرىستەردىڭ ءبىرشاما باسەڭدەي تۇسۋىنە قولداۋ كورسەتىپ, بيۋدجەت شىعىستارىنىڭ ءوسۋىن رەتتەۋگە جانە ينفلياتسيالىق كۇتۋلەردىڭ جوعارى دەڭگەيدە تۇراقتالۋىنا جول بەرمەيدى دەگەن سەنىم بار.
ۇلتتىق بانك توراعاسى عالىمجان ءپىرماتوۆتىڭ ايتۋىنشا, نەگىزگى مىندەت – ينفلياتسيانىڭ تۇراقتى تومەندەۋ تراەكتورياسىنا قول جەتكىزۋ.
«وڭتۇستىك وڭىرلەردەگى ءونىمنىڭ شىعىنعا ۇشىراۋى مەن ۇسىك سالدارىنان جەمىس-جيدەك پەن كوكونىس باعاسىنىڭ كوتەرىلۋى, سونداي-اق سۇرانىستىڭ جوعارى بولۋىنان كولىك قىزمەتى قۇنىنىڭ ءوسۋى ينفلياتسيانىڭ تومەندەۋىن تەجەدى. بيىلعى ناۋرىزدا ازىق-ت ۇلىك ينفلياتسياسى ايتارلىقتاي باياۋلاپ, 20,5%-دى قۇراعانىمەن, جالپى ينفلياتسياعا كوپتەپ ۇلەس قوسۋىن جالعاستىرىپ كەلەدى. ازىق-ت ۇلىككە جاتپايتىن تاۋارلار باعاسىنىڭ ءوسۋى 18,1%-عا, قىزمەتتەر باعاسىنىڭ ءوسۋى 14,4%-عا دەيىن باياۋلادى. اقپان ايىنداعى ايلىق ينفلياتسيانىڭ ءبىرشاما جەدەلدەۋى باعالاردىڭ تومەندەۋ ترەندىن بۇزعان بولاتىن. الايدا كەيىن ايلىق ينفلياتسيا 0,9%-عا دەيىن باياۋلادى. بازالىق مولشەرلەمە بويىنشا بۇدان كەيىنگى شەشىم جاڭا دەرەكتەردىڭ, سونىڭ ىشىندە ءبىزدىڭ 2023 جىلعى مامىر ايىندا بولجامدى جاڭارتۋ كەزىندەگى ەسكەرەتىن رەفورما پارامەترلەرىنىڭ شىعۋىنا تاۋەلدى بولادى. ءبىز جانار-جاعارماي باعاسىنىڭ وسۋىنەن بولاتىن ينفلياتسياعا تىكەلەي اسەرگە قاتىستى ءىس-شارا قولدانۋدى جوسپارلامايمىز. سونىمەن قاتار مونەتارلىق ساياسات بويىنشا شەشىم قابىلداۋ كەزىندە ءبىز قوسىمشا اسەرلەردى, سونىڭ ىشىندە بايلانىستى تاۋارلار باعاسىنىڭ وزگەرۋىن, ينفلياتسيالىق كۇتۋلەردى مۇقيات قاداعالاپ, تالدايتىن بولامىز», دەدى ع.ءپىرماتوۆ.
بازالىق مولشەرلەمە بويىنشا كەلەسى شەشىم كەزەكتى بولجامدى راۋندتىڭ قورىتىندىسىنا ساي بەلگىلەنەدى جانە 2023 جىلى 26 مامىردا استانا قالاسىنىڭ ۋاقىتى بويىنشا ساعات 12:00-دە جاريالانادى.