«زەكەت» اراب تىلىنەن ەنگەن ءسوز. بۇل ءسوزدىڭ تىلدىك ماعىناسى «كوبەيۋ, ءوسۋ, تازارۋ» دەگەندى بىلدىرەدى. ال زەكەتتىڭ شاريعاتتاعى تەرميندىك ماعىناسى: «نيساپ كولەمىنە جەتەتىن داۋلەتى بار مۇسىلماننىڭ اللا رازىلىعى ءۇشىن بايلىعىنىڭ ءبىر بولىگىن شاريعاتقا ساي, جىلىنا ءبىر رەت قۇراندا كورسەتىلگەن توپتاعى ادامدارعا بەرۋى».
رامازان ايىنا قاتىستى حاديستە: «ادام بالاسىنىڭ بارلىق يگى ىستەرىنىڭ ساۋابى ارتادى. ءاربىر جاقسىلىققا ون ەسەدەن جەتى ءجۇز ەسەگە دەيىن ساۋاپ جازىلادى», دەلىنگەن. دەمەك, وزگە ايلارعا قاراعاندا بۇل اي ساۋاپتار ەسەلەنىپ جازىلاتىن يگىلىككە تولى اي بولعاندىقتان, يسلام عالىمدارى وسى ايدا بەرگەن ابزال دەگەن تۇجىرىمداما جاساعان. ءارى زەكەتتى بەرگەن ۋاقىتىن اي كۇنتىزبەسىنە ساي وڭاي ەسەپتەۋى ءۇشىن رامازان ايى زەكەت بەرگەنگە وتە قولايلى اي.
دەسە دە, زەكەت پارىزىن وتەۋ ءۇشىن بەلگىلى ءبىر اي نەمەسە كۇن بەكىتۋ مىندەتتى ەمەس. ەڭ باستىسى, زەكەت پارىز بولۋ ءۇشىن نيساپ مولشەرىندەگى بايلىعىنا ءبىر جىل تولعان بولۋى كەرەك. الايدا ءبىر جىل تولماسا دا الدىن الا بەرۋىنە رۇقسات.