اۋىل شارۋاشىلىعى ءمينيسترى ەربول قاراشوكەەۆ كەيبىر فەرمەرلەر مەملەكەتتى الداپ, جالعان اقپارات كورسەتۋ ارقىلى سۋبسيديانى ارتىعىمەن العانىن ايتتى, دەپ حابارلايدى Egemen.kz.
اشم ءمينيسترىنىڭ ايتۋىنشا, شارۋالار جەر كولەمىن ەسەلەپ كورسەتكەن.
«بىرقاتار ءىرى شارۋاشىلىقتا يگەرىلىپ جاتقان جەر مەن قۇجاتتا كورسەتىلگەن جەر كولەمىنىڭ سايكەس كەلمەيتىنى انىقتالدى. وندا وڭدەلەتىن جەرلەردىڭ كولەمى كورسەتىلگەننەن الدەقايدا از. ياعني, نورماتيۆ اسىرا باعالانعان. سوعان ساي سۋبسيديا مولشەرى دە كوپ بولىنگەن», دەدى ە. قاراشوكەەۆ.
مينيستر اتاپ وتكەندەي, فەرمەر شىن مانىندە 500 گەكتار جەردى يگەرگەن بولسا, ول جەردىڭ كولەمىن 1 مىڭ گەكتار ەتىپ كورسەتىپ, قاجەتتى نورمادان تىس سۋبسيديا الىپ وتىرعان.