جەتىسۋ وبلىسىندا دەنە شىنىقتىرۋ ءپانىنىڭ مۇعالىمى ءوز ارىپتەسىنىڭ اۆتوكولىگىن ۇرلادى دەگەن كۇدىككە ءىلىندى, دەپ حابارلايدى Egemen.kz رolisia.kz باسىلىمىنا سىلتەمە جاساپ.
باسىلىم مالىمەتىنشە, بۇل فاكت جاركەنت قالاسىندا تىركەلگەن.
6 ساۋىردە اۋداندىق پوليتسياعا Mazda-626 كولىگى ۇرلانعانى حابارلانعان.
كولىكتىڭ يەسى مەكتەپ مۇعالىمى بولىپ شىقتى, ول بايقاۋسىزدا كىلتتى كولىكتە قالدىرعان, سونى بەلگىسىز ادام پايدالانىپ, ونى ايداپ كەتكەن.
ىزدەۋ شارالارى بارىسىندا پاترۋلدىك پوليتسيا قىزمەتكەرلەرى ۇرلانعان كولىكتى قالا شەتىندەگى ۇيلەردىڭ بىرىنەن تاۋىپ, زاڭدى يەسىنە قايتاردى.
كۇدىكتى دە جابىرلەنۋشى سياقتى ءبىلىم مەكەمەسىنىڭ قىزمەتكەرى, ونىڭ ارىپتەسى بولىپ شىقتى. جەرگىلىكتى مەكتەپتەردىڭ بىرىندە دەنە شىنىقتىرۋ پانىنەن ساباق بەرەدى.
ءىس بويىنشا تەرگەۋ امالدارى قر قك 200-بابىنا سايكەس جۇرگىزىلىپ جاتىر.