ءپىتىر ساداقا بەرۋدىڭ پايداسى

ورازا ۇستاعان ادام كەيبىر دۇنيەلىك ىستەرگە بولا كوڭىلگە كەلەتىن جامان سوزدەر ايتىپ, جاعىمسىز ارەكەتتەرگە بارىپ باسقالاردى رەنجىتىپ قويۋى مۇمكىن. مۇنداي ىستەر ورازانى بۇزباسا دا ونىڭ ساۋابىن كەمىتىپ, ورازا ۇستاۋشىنىڭ كوڭىلىنە كۇدىك سالادى. ءپىتىر ساداقاسى وسىنداي كۇدىكتەن ايىقتىرىپ, كەمشىلىگىنىڭ ورنىن تولتىرادى.

ءپىتىر ساداقانىڭ پايداسى

1) قاتە-كەمشىلىكتەردى تولىقتىرادى. ورازا ايىندا تىلىمەن, ويىمەن, كوزىمەن ىستەپ قويعان قاتە-كەمشىلىكتەردى وشىرەدى. وسىلايشا, ورازادا جاسالعان كەيبىر كەمشىلىكتەردەن تازارىپ, اقىرەتتە ورازانىڭ تولىق ساۋابىن الۋىنا ءپىتىر ساداقاسى سەبەپ بولادى.

2) ورازانىڭ كابىل بولۋىنا سەپتىگىن تيگىزەدى. جارير ريۋايات ەتكەن ءبىر حاديستە پايعامبارىمىز (ساللاللاھۋ ءالايھي ءۋا ءساللام):

«ادامنىڭ ورازاسى جەر مەن كوكتىڭ اراسىندا اسۋلى تۇر. ءپىتىر ساداقا بەرگەننەن كەيىن ول ورنىنا جەتەدى», دەيدى. ياعني, ورازانىڭ كەمشىلىكتەرى ءپىتىر ساداقاسىمەن تولىقتىرىلىپ, كەمەل تۇردە ورازانىڭ قابىل بولۋىنا سەپتىگىن تيگىزەدى.

3) كەدەيلەردى كۋانتادى. ايت كۇنى تەك جاعدايى بار بايلار عانا قۋانباي, كەدەي, مۇقتاج ادامدار دا قاجەتتەرىن الىپ, مول قۋانىشقا كەنەلەدى.

سوندىقتان ءپىتىر ساداقاسىن بەرۋ ارقىلى كەدەيلەردىڭ مۇڭ-مۇقتاجىن وتەپ, بۇل كۇننىڭ شىندىعىندا كۋانىشتى كۇن ەكەندىگىن سەزىنەدى. بۇل جانىمىز بەن ءتانىمىزدىڭ زەكەتى دەۋگە بولادى. اللاھتىڭ ادام بالاسىنا سىيلاعان سانسىز نىعمەتتەرى مەن دەنساۋلىعىنا شۇكىرشىلىك رەتىندە بەرىلەدى. سوندىقتان ءپىتىر ساداقاسى سابيگە دە, ورازا تۇتۋشىعا دا, ورازا تۇتپاعانعا دا مىندەتتەلدى.

ەسكە سالا كەتەيىك, بيىل ءپىتىر ساداقا مولشەرى 535 تەڭگە بولىپ بەلگىلەندى. ءپىتىر ساداقانىڭ مولشەرى ەلىمىز بويىنشا 2 كەلى ۇننىڭ ورتاشا باعاسىمەن ەسەپتەلدى. ال ۇننىڭ باعاسى قمدب-نىڭ قالا جانە وبلىس وكىلدىكتەرىنىڭ بەرگەن مالىمەتى نەگىزىندە انىقتالدى. ءپىتىر ساداقاسىن قۇرما, مەيىز باعاسىمەن دە بەرۋگە بولادى.