استانا. 3 شىلدە. جاپونيا سولتۇستىك كورەياعا قاتىستى سانكتسيالارىن جەڭىلدەتۋى مۇمكىن. بۇل تۋرالى يتار-تاسس حابارلادى.
ناقتىلاي ايتقاندا, جاپونيا سولتۇستىك كورەياعا ءوز تارىپىنان قويىلعان ۆيزالىق جانە قارجىلاي شەكتەۋلەردىڭ ءبىرازىن الىپ تاستاپ, بىرجاقتى سانكتسيالاردى جەڭىلدەتۋگە شەشىم قابىلداماق. سونىمەن قاتار, جاپونيا بيلىگى «گۋمانيتارلىق ميسسيامەن كەلگەن» سولتۇستىككورەيلىك كەمەلەردى ءوز پورتتارىنا كىرگىزۋگە رۇقسات بەرمەكشى.
رەسمي توكيو بۇل قادامعا پحەنياننىڭ 1970-1980 جىلدار ارالىعىندا كحدر ارنايى قىزمەتى ۇرلاپ اكەتكەن جاپوندىقتاردىڭ تاعدىرى جونىندە قايتادان تەرگەۋ امالدارىن جۇرگىزۋگە ۋادە بەرۋىنە بايلانىستى بارىپ وتىرعان كورىنەدى.
جاپونيا سولتۇستىك كورەياعا قاتىستى سانكتسيالاردىڭ جەڭىلدەتىلۋى جونىندەگى شەشىمىن جۇما كۇنى مينيسترلەر كابينەتىنىڭ وتىرىسىندا بەكىتەدى دەپ كۇتىلۋدە.
ايدار ورىسباەۆ.
دەرەككوز: Itar-tass.com.
فوتو: Ap.org.