استانا. 3 شىلدە. 2015-2019 جىلدارعا ارنالعان ۇدەمەلى يندۋستريالدى-يننوۆاتسيالىق دامۋ مەملەكەتتىك باعدارلاماسىنىڭ ەكىنشى بەسجىلدىعى ەلىمىزدەن سىرتقا ەكسپورتتالاتىن تاۋار تۇرلەرىن 127-دەن 300-گە دەيىن ارتتىرۋعا مۇمكىندىك بەرەدى. ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆ وسىلاي دەدى. بۇل تۋرالى primeminister.kz حابارلادى.
مەملەكەت باسشىسىنىڭ قاتىسۋىمەن وتكەن تەلەكوپىر باستالاردىڭ الدىندا ە.دوساەۆ: «ەلىمىزدىڭ ەكسپورتتالاتىن تاۋارلار سانىن ەكى ەسەلەۋگە مۇمكىندىگى مول», – دەدى.
ءمينيستردىڭ ايتۋىنشا, قازىرگى تاڭدا ەلىمىز 127 تاۋار ءتۇرىن عانا ەكسپورتتايدى ەكەن. ال تابىس دەڭگەيى قازاقستانمەن سايكەس كەلەتىن مالايزيا مەن تايلاند سەكىلدى ەلدەردە ەكسپورتقا شىعاتىن تاۋار تۇرلەرى شامامەن 800 تاۋارعا دەيىن بارادى.
ەربولات دوساەۆتىڭ سوزىنە قاراعاندا, تاۋار تۇرلەرى مەن ەكسپورت كەزىندەگى قىزمەتتەردى ءارتاراپتاندىرۋ وتە ماڭىزدى.
جولدىباي بازار.
دەرەككوز: primeminister.kz.
فوتو: ortcom.kz.