بۇگىن استانادا «وكم وپەراتورى» قىلمىستىق ءىسى بويىنشا الدىن الا تىڭداۋ باستالدى. ايىپتالۋشىنىڭ ادۆوكاتتارى بۇل ءىس بويىنشا ءاليا نازارباەۆادان جاۋاپ الۋدى سۇرادى, دەپ حابارلايدى Egemen.kz Tengrinews.kz سايتىنا سىلتەمە جاساپ.
استانادا «وكم وپەراتورى» قىلمىستىق ءىسى بويىنشا الدىن الا تىڭداۋلار ءوتىپ جاتىر.
ايىپتالۋشى ورنىندا بۇرىنعى ەكولوگيا, گەولوگيا جانە تابيعي رەسۋرستار ۆيتسە-ءمينيسترى احمەتجان پىرىمقۇلوۆ, «وكم وپەراتورى» جشس باسقارماسىنىڭ بۇرىنعى توراعاسى مەدەت قۇمارعاليەۆ, بۇرىنعى قارجى ديرەكتورى رۋستام تەمىربەك جانە «وكم وپەراتورى» كومپانياسىنىڭ بۇرىنعى باس ديرەكتورى, ۋكراينا ازاماتى سۆەتلانا كوروتەنكو وتىر.
ولارعا قوماقتى مولشەردەگى قارجىنى قولدى قىلدى دەگەن ايىپ تاعىلدى.
الدىن الا تىڭداۋ بارىسىندا كوروتەنكونىڭ ادۆوكاتى قىلمىستىق ءىستى قوسىمشا تەرگەۋگە قايتارۋدى سۇرادى.
«مەنىڭ كليەنتىمە 2016 جىلدىڭ 18 مامىرى مەن 2019 جىلدىڭ 18 قاراشاسى ارالىعىندا «وكم وپەراتورى» باس ديرەكتورى بولعان كەزدە قىلمىستىق جوسپار ۇيىمداستىرىپ, ەكولوگيا مينيسترلىگى مەن «وكم وپەراتورى» قىزمەتكەرلەرىن قاتىستىرىپ, ولاردىڭ اراسىندا قىلمىستىق رولدەردى ءبولىپ, ولارمەن قىلمىستىق كەلىسىمگە كەلىپ, قاراجاتتى جىمقىرعان دەگەن ايىپ تاعىلىپ وتىر. «وكم وپەراتورى» جشس 2015 جىلعى 23 قاراشادا جالعىز قاتىسۋشى – قۇرىلتايشىسى بولعان ءاليا نازارباەۆانىڭ شەشىمىمەن قۇرىلدى», دەدى ادۆوكات.
ادۆوكاتتىڭ ءوتىنىشى بويىنشا, 17 قازانداعى الدىن الا تىڭداۋ كەزىندە كوروتەنكو «اقشالاي قاراجاتتى جۇمساۋ تۋرالى شەشىم قابىلداعان سەرىكتەستىكتىڭ قۇرىلتايشىسى نازارباەۆانى» قىلمىستىق جاۋاپكەرشىلىككە تارتۋ ماقساتىندا قوسىمشا تەرگەۋ ءۇشىن قىلمىستىق ءىستى قايتارۋ تۋرالى ءوتىنىش ءبىلدىردى.
ەسكە سالا كەتسەك, 2022 جىلدىڭ 1 ساۋىرىندە 13 ميلليارد تەڭگەدەن اسا قارجى جىمقىردى دەگەن كۇدىكپەن «وكم وپەراتورى» جشس بۇرىنعى باسقارۋشى ديرەكتورى ۇستالعان ەدى.