سانيتارلىق دارىگەرلەر قىزىلوردا وبلىسىندا مەكتەپ وقۋشىلارىنىڭ جاپپاي ۋلانۋ سەبەبىن انىقتادى, دەپ حابارلايدى Egemen.kz.
29 ناۋرىزدا قازالى اۋدانىنداعى №225 ورتا مەكتەپتىڭ جيىرما بەس وقۋشىسى تاماقتان ۋلانىپ, اۋرۋحاناعا ءتۇستى.
كەيىن مەكتەپ اسحاناسىنداعى اسپاز كومەكشىسىنەن ستافيلوكوكك باكتەرياسى تابىلعان. «وقۋشىلاردىڭ ۋلانۋىنا نە سەبەپ بولعانىن بىلدىك. اسپازشىنىڭ كومەكشىسىندە ستافيلوكوكك باكتەرياسى بار ەكەنى انىقتالدى. ستافيلوكوكك - تاماقتان ۋلانۋعا اكەلەتىن باكتەريالاردىڭ ءبىرى. ءدال وسىنداي باكتەريا زارداپ شەككەن 14 بالادان تابىلدى», دەدى وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ءاليا ابدىقايىموۆا.وبلىستىق ءبىلىم باسقارماسىنىڭ ءباسپاسوز قىزمەتى ۇسىنعان اقپاراتقا سايكەس, مەكتەپ اسحاناسىنىڭ اسپازشىسى مەن اسپازشىنىڭ كومەكشىسى جۇمىستان بوساتىلىپ, ءبىلىم مەكەمەسىنىڭ مەديتسينا قىزمەتكەرى جۇمىستان شەتتەتىلگەن.
ء«بىلىم بەرۋ ۇيىمىنىڭ جاۋاپتى تۇلعالارىنا قاتىستى تارتىپتىك جاۋاپكەرشىلىككە تارتۋ ماسەلەسى قاراستىرىلىپ جاتىر. بالالاردىڭ جاعدايى تۇراقتى», دەدى ءبىلىم ءبولىمىنىڭ باس مامانى نۇرجان جۇمانوۆ.