سارىوزەك گارنيزونىنداعى شابۋىلداۋشى قۇرامدارىنىڭ اسكەري قىزمەتشىلەرى «اسكەري ءتارتىپ» تاقىرىبىندا دوڭگەلەك ۇستەل وتكىزدى, دەپ حابارلايدى Egemen.kz.
اتالعان ءىس-شاراعا «وڭتۇستىك» وڭىرلىك قولباسشىلىعى قولباسشىسىنىڭ تاربيە جانە يدەولوگيالىق جۇمىستارى جونىندەگى ورىنباسارى پولكوۆنيك وراز كۋچۋكوۆ, سارىوزەك گارنيزونىنىڭ اسكەري پوليتسيا وكىلدەرى مەن اسكەري بولىمدەرىنىڭ كومانديرلەرى جانە وفيتسەرلەر مەن كەلىسىمشارت بويىنشا اسكەري قىزمەتشىلەر قاتىستى.
سارىوزەك گارنيزونى ءباسپاسوز قىزمەتىنىڭ باسشىسى, مايور ابزال سارتاەۆ ايتۋىنشا, جيىن اسكەردەگى ءتارتىپتى كۇشەيتۋگە باعىتتالعان. ودان بولەك جاستاردى اسكەري پاتريوتيزمگە تاربيەلەۋ بولىپ وتىر.
كەزدەسۋدى «وڭتۇستىك» وڭىرلىك قولباسشىلىعى قولباسشىسىنىڭ تاربيە جانە يدەولوگيالىق جۇمىستارى جونىندەگى ورىنباسارى پولكوۆنيك وراز كۋچۋكوۆ اشىپ, كەشكە شاقىرتىلعان قۇقىقورعاۋ ورگانىنىڭ قىزمەتكەرلەرىن تانىستىردى جانە وتكىزىلگەلى وتىرعان ءىس-شارانىڭ ماقساتى مەن ماڭىزدىلىعى تۋرالى كەڭىنەن بايانداپ ءوتتى.
سونداي-اق ول اسكەري بولىمدەردە كوپتەپ وتكىزىلىپ جاتقان اسكەري ءتارتىپ بويىنشا جۇمىستارى جانە اسكەري ءتارتىپتىڭ مىندەتى مەن تاربيەلەۋ ادىستەرى تۋرالى ءسوز قوزعادى.
سونىمەن قاتار كۇن تارتىبىندەگى ەكىنشى ماسەلە 2022-2024 جىلدارعا ارنالعان اسكەري بولىمدەردە قۇقىق بۇزۋشىلىقتاردىڭ الدىن الۋ باعدارلاماسىن ىسكە اسىرۋ اياسىندا اتقارىلىپ جاتقان وزەكتى تاقىرىپتارعا توقتالىپ, جوعارى باسشىلىقتاردىڭ تالاپتارىن جەتكىزدى.
ءوز كەزەگىندە اسكەري پوليتسيا وكىلدەرى الدىمەن وتكەن جىلى قازاقستان رەسپۋبليكاسى قارۋلى كۇشتەرىندە ءتۇرلى سەبەپتەر بويىنشا اكىمشىلىك جانە قۇقىقبۇزۋشىلىق فاكتىلەردى قاتىسۋشىلارعا جەتكىزىپ, وعان جول بەرمەۋگە شاقىردى.
ودان باسقا اسكەري قىزمەتشىلەرگە دوڭگەلەك ۇستەل تاقىرىپتارى بويىنشا جان-جاقتى تۇسىنىك بەرىلىپ, اسكەري ءتارتىپتىڭ تالاپتارى تولىق ءتۇسىندىرىلدى. ودان وزگە, جيىنعا قاتىسۋشىلار ءوز ۇسىنىستارى مەن پىكىرلەرىن ورتاعا سالىپ, تۋىنداعان سۇراقتار بويىنشا پىكىر الماستى.
«كەزدەسۋ وتە مازمۇندى ءوتتى, بارلىق تىلەك بىلدىرۋشىلەر ءسوز سويلەدى, اسكەرىمىزدە اسكەري ءتارتىپتى جوعارى دەڭگەيدە ۇستانىپ, ونى قالاي ۇنەمى جاقسارتۋعا بولاتىنى تۋرالى كوپتەگەن ماعلۇماتتار ايتىلدى. اسكەري ءتارتىپ ءاربىر اسكەري قىزمەتشىنى ءوزىنىڭ اسكەري بورىشىن ادال اتقارۋعا مىندەتتەيدى. ال اسكەري ادامداردىڭ بۇل قاسيەتكە جاقىن بولۋى ىشكى ءتارتىپتىڭ كۇشتىلىگىندە», دەپ ءتۇسىندىردى 12740 اسكەري ءبولىم كومانديرىنىڭ تاربيە جانە يدەولوگيالىق جۇمىستارى جونىندەگى ورىنباسارى پودپولكوۆنيك نۇرعالي اقىلباەۆ.
جيىندى قورىتىندىلاعان پولكوۆنيك وراز كۋچۋكوۆ اسكەري ءتارتىپ پەن باسقا دا قۇقىق بۇزۋشىلىقتاردىڭ الدىن الۋ شارالارىن كۇشەيتۋ بويىنشا مىندەتتەردى ىسكە اسىرۋ نەگىزىندە ءبىرشاما تاپسىرمالاردى بەكىتتى.