شاعىن جانە ورتا كاسىپكەرلىكتى قولداۋ, سونىڭ ىشىندە ورتا كاسىپكەرلىكتى ىنتالاندىرۋ جونىندەگى كەشەندى جوسپار ازىرلەنەدى. بۇل تۋرالى بۇگىن ەلوردادا وتكەن ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ ايتتى, دەپ حابارلايدى Egemen.kz.
ءمينيستردىڭ ايتۋىنشا, سالىق جۇكتەمەسىن ءادىل بولۋگە باعىتتالعان جۇمىس شەڭبەرىندە سالانىڭ باسىمدىعى مەن رەنتابەلدىلىگىنە قاراي قوسىلعان قۇن سالىعى جانە كورپوراتيۆتىك تابىس سالىعى ستاۆكالارىن سارالاۋ ماسەلەسى پىسىقتالادى.
ء«تاريفتى ينۆەستيتسيالارعا ايىرباستاۋ» قاعيداتىنا سايكەس, تاريفتىك ساياساتتى رەفورمالاۋ شەڭبەرىندە ەلەكترمەن, جىلۋمەن, سۋمەن جابدىقتاۋ جانە سۋ بۇرۋ سالالارىنداعى جەلىلەردىڭ توزۋىن (20%-عا دەيىن) تومەندەتۋ جۇمىسى باستالدى. بۇل اۆاريالاردىڭ سانىن ازايتۋعا جانە قىزمەت ساپاسىن ارتتىرۋعا ىقپال ەتەدى. بۇگىنگى تاڭدا تاريفتەردى وزگەرتۋ جانە قولدانىستاعى ينۆەستيتسيالىق باعدارلامالاردى ۇلعايتۋ ءۇشىن قۇقىقتىق نەگىزدەر قالىپتاستىرىلدى», دەدى ۇلتتىق ەكونوميكا ءمينيسترى.
سونىمەن قاتار اۋىلدىق اۋماقتاردى دامىتۋدىڭ 2023-2027 جىلدارعا ارنالعان جاڭا تۇجىرىمداماسىندا شەكارا ماڭىنداعى اۋماقتاردى دامىتۋعا ايرىقشا كوڭىل ءبولىندى.
«شەكارا ماڭىنداعى وڭىرلەردى قوسا العاندا, بۇكىل اۋىل حالقىنىڭ تابىسىن ارتتىرۋعا باعىتتالعان قۇرالداردىڭ ءبىرى «اۋىل اماناتى» جوباسىن ىسكە اسىرۋ بولادى. ول ءۇشىن ءاربىر اۋىلدىق وكرۋگتىڭ ماماندىعىن ايقىنداي وتىرىپ, سكرينينگ جۇرگىزۋ كەرەك. سونداي-اق جەكە قوسالقى شارۋاشىلىقتارعا ميكروكرەديت بەرۋ, سەرۆيستىك-وتكىزۋ كووپەراتيۆتەرىن قالىپتاستىرۋ, تەحنيكا مەن جابدىقتىڭ ليزينگىن قامتاماسىز ەتۋ شارالارى ىسكە اسىرىلادى», دەپ اتاپ ءوتتى مينيستر.